ГО ПОВИКА ДА ЈА НАПУШТИ ВМРО-ДПМНЕ: Милошоски бил идол на Александрова?
Објавено во: Македонија 14 Февруари, 2020
Пратеничката Емилија Александрова од Независната пратеничка група на ВМРО-ДПМНЕ денеска на седница му рече на пратеникот од ВМРО-ДПМНЕ, Антонио Милошоски дека бил нејзин идол, но повика да ја напушти и да ја ослободи партијата, затоа што како што рече, со неговото однесување ѝ нанесува само штета.
Вели дека тој нема никакви аргументи против Законот за Јавно обвинителство. Додаде дека многу луѓе веруваат во партијата, но завршиле во затвор.
„Ја заложивте партијата во која сте само поради привилегии. Ја искрививте мојата слика за тоа како треба да изгледа еден политичар. Напуштете ја партијата, ослободете ја партијата“ – рече Александрова.
Милошоски врати дека СДСМ сака да го истурка Законот за ЈО само за да се спаси од одговорност.
„Законот треба да се донесе за да нема казнивост за луѓето кои прават бизнис од двете структури, поради бизнис партнерите, Сашо Мијалков и Вице Заев“, рече Милошоски.
Неизвесно е донесувањето на Законот за јавно обвинителство.