Го обвинија за лицемерие и бараат оставка од Мицкоски
Објавено во: Македонија 02 Декември, 2019
Оставка од лидерот на ВМРО-ДПМНЕ, Христијан Мицкоски бара независната пратеничка група. Ова следи по вчерашната најава дека ќе поднесе иницијатива за ратификација на протоколот за НАТО, со одложено дејство.
Пратеничката Емилија Александрова на прес-конференцијата од Собранието побара оставка од лицерот на партијата, Христијан Мицкоски, поради, како што рече, лицемерниот однос кон евроинтеграциите.
Наведуваат дека, лицемерието на Мицкоски го достигнува врвот, со креирање на слика дека НАТО му е многу важно.
Мицкоски рече дека ќе го стави нивното барање на дневен ред пред Извршниот одбор задутре.
СДСМ нема да ја прифати иницијативата на ВМРО-ДПМНЕ, за конечно усвојување на ратификацијата на протоколот за членство, повикувајќи се на праксата на Црна Гора. Од партијата велат додека Шпанија ќе го каже последниот збор, а ништо конкретно нема да има во Парламентот.
Од Мицкоски бараат да ги поддржи измените во законот за одбрана со кои се прави стандардизација на АРМ со НАТО. Во Владата нема конкретна иницијатива околу усвојувањето на договорот со НАТО, но додаваат дека таквата иницијатива треба да помине на некоја од наредните владини седници, а потоа ќе се достави во Собранието.
САД го депонираа ратификуваниот протокол за членство на нашата земја во НАТО. Веста ја објави државниот секретар Мајк Помпео на Твитер. Се чека Македонија да стане 30-та земја членка на НАТО.