ГО КРСТИ СИНОТ ПО ЛЕКАРИТЕ КОИ МУ ГО СПАСИЈА ЖИВОТОТ - Џонсон се присетува на битката со КОВИД-19

Добивај вести на Viber

Британскиот премиер Борис Џонсон откри дека биле правени планови за вонредна состојба додека тој лежеше во болница сериозно болен од КОВИД-19. Во интервјуто за весникот „Сан“, британскиот премиер кажа дека му биле давани литри и литри кислород за да преживее.

„Додека бев во болница, во живот ме одржуваше желбата да го прекинам страдањето на другите и да ја вратам Велика Британија на нозе. Имаа стратегија како да се справат со мојата смрт според сценариото за смртта од типот на Сталин. Нема да го одречам тоа“, изјави Џонсон.

Само два дена откако во понеделникот се врати на работа, Џонсон доби син, кој го крсти по двајцата доктори кои се грижеа за него во болница. Всушност, Џонсон и неговата вереница, Кери Симондс, вчера објавија дека нивниот новороден син ќе го носи името Вилфред Лори Николас, во чест на бабите и дедовците и на двајцата лекари со име Ник, за кои рекоа дека му го спасиле животот на Џонсон.

„Беше чудно да се гледа на мониторите како индикаторите постојано одат во погрешна насока. Тоа беа многу тешки моменти, нема да лажам. Цело време се прашував како ќе се извлечам од ова“, кажа Џонсон.

Тој имаше позитивен тест на коронавирус на 26 март и десет дена подоцна беше префрлен во болница поради влошување на симптомите.

„Не ми се веруваше колку брзо се наруши моето здравје. Лекарите беа подготвени на сѐ доколку станеше уште полошо. Имав среќа и мојата цел сега е да го запрам страдањето на другите“, вели Џонсон.