Го бркаа 800 полицајци 17 дена: Денеска конечна пресуда за Малчанскиот берберин
Објавено во: Балкан 05 Јануари, 2021
Нинослав Јовановиќ, кој беше уапсен на 5 јануари 2020 година, по 17-дневна акција во која учествуваа околу 800 полицајци, припадници на безбедносните сили и волонтери, денеска во правосилната пресуда може да добие доживотна казна затвор.
Познат уште како и Малчанскиот берберин, киднапираше девојче кое во тоа време имаше 12 години на 20 декември 2019 година во Брзи Брод во 7.25 часот, пресретнувајќи ја на пат кон училиште.
Во потрагата по него се користеа хеликоптери, дронови и кучиња-трагачи, а слични потери и затворски казни имало за него и претходно за силување, обиди за силување и вознемирување на жени и малолетнички, за кои во судница тврдел дека сексуално се возбудувал кога ги потстрижувал.
Монструмот од Србија го измамил детето да влезе во неговиот автомобил „Фиат Пунто“, кој го украл претходната вечер во Малча. Тој и рекол на девојчето дека е новиот електричар кој работи во нејзиното училиште и ја замолил да му го покаже патот. Девојчето влегло во автомобилот и така започна повеќедневната драма што Србија дотогаш ја немаше видено.
Кога видела дека не одат во правец на училиштето, девојчето се прашувало каде отишле, а Јовановиќ со лаги се обидел да ја контролира ситуацијата - тој рекол дека нејзиниот татко украл дијамант од жена од Нишка Бања и дека е киднапирана. наводно ќе биде пуштена кога дијамантот ќе биде вратен. За да го заплаши детето, тој исто така и рекол дека ќе ги убие нејзините родители ако таа не го слуша. Во тој момент јавноста сè уште не знаеше кој стои зад киднапирањето на девојчето ...
Истрагата против Јовановиќ беше спроведена заради кривични дела киднапирање и силување на дете. Овие кривични дела се казнуваат со затвор од најмалку 10 години или доживотен затвор.Јовановиќ беше уапсен на 5 јануари, на гробиштата во неговото родно село, по претресот што траеше 17 дена.
Дванаесетгодишната М.К. од Суводол, Малчанскиот берберин ја киднапираше на пат кон училиштето, а потоа ја скрил девојката најпрво кај Малча, а потоа и во напуштени куќи во селата околу Свргаљ и Књажевац.