07 Март, 2021
0.0215

Глобалниот пазар е во рана фаза на закрепнување: Извештај на ВФП Фонд менаџмент

Објавено во: Финансии 21 Јануари, 2021

Глобалниот пазар се наоѓа во рана фаза на закрепнување на деловниот бизнис циклус по рецесијата предизвикана од пандемијата. Ова подразбира подолг период на ниски каматни стапки - околина што повеќе ги фаворизира акциите за сметка на обврзниците, стои во Кварталниот берзански преглед на ВФП Фонд менаџмент 

„Цикличните value компании кои практично беа најпогодени за време на пандемијата, забележаа сериозен раст над growth компаниите во текот на четвртиот квартал. И покрај тоа што value компаниите имаат попозитивни изгледи за раст во 2021 година, не смеат да се изостават и growth компаниите кои се доминантни во сферите во кои дејствуваат и кои продолжуваат да ги ислопнуваат или надминуваат очекувањата на акционерите – профил на компании во кои се вложуваат средствата од ВФП Премиум Инвест, стои во извештајот.

Веруваат дека независно од растот од 14 проценти во текот на месец ноември, се уште постои простор за раст и надокнадување на заостанувањето во економијата предизвикано од пандемијата, како вакцините ќе стануваат подостапни за повеќето земји. Поголемата расположливост на вакцината во првата половина на 2021 година, би придонела до намалување на рестриктивните органичувања, релаксираност и зголемување на потрошувачката, патувањата и посета на рестораните - што би придонело до закрепнување на заработките на компаниите. 

Според податоците UBS Asset Management компанијата во своето обраќање до инвеститорите очекува раст на коефициентот Добивка по Акиција (EPS) од 27% на глобално ниво за 2021 година. 

Од друга страна, јазот помеѓу понудата на пари (вбризганата ликвидност со цел стимулирање на економијата) и економската активност бележи раст од 40% на годишна основа за OECD државите, далеку поголем од забележаните 15% за време на финансиската криза во 2008-2009 год. Овој вишок на ликвидност во комбинација со историски најниските каматни стапки на нискоризичните инструменти очекуваме да ги принуди инвеститорите да трагаат по поатрактивни приноси и да ги пренасочуваат своите средства кон пазарите на капитал. Иако е се поизразен бројот на вести за тоа дали можеби цените на акциите се премногу ,,напумпани”, вредноста изгледа објаслива ако се земе предвид позадината на историски најниски каматни стапки. Премијата за ризик на капитал ги споредува акциите и обврзниците, преку едноставно користење на P/E коефициентот покажува слични резултати – акциите изгледаат поефтини од обврзниците, пишува во извештајот.

Инвестициската цел на ВФП Премиум Инвест и понатаму продолжува да се остварува преку професионално управување со средствата на Фондот, односно креирање на портфолио на хартии од вредност на најразвиените и најрегулираните пазари во светот, преку инвестирање во големи компании - „Large Caps" кои се лидери во сопствените индустрии и имаат континуирана растечка историја на исплата на дивиденда кон инвеститорите. 

ВФП 100% Бонд фондот продолжува да е наменет за инвеститори кои не сакаат своите средства да ги изложат на високи осцилации и на среден рок сакаат да остварат атрактивен принос на своите средства преку вложување во државни и корпоративни обврзници. 

ВФП Кеш Депозит е идеален за инвеститори кои претпочитаат средствата примарно да им бидат пласирани во банки и кои за цел имаат да менаџираат со својата тековна или среднорочна ликвидност. 

Целиот извештај овде

Можеби ќе ве интересира

Исплатени се 23,5 милиони евра од Ковид 3, досега одобрени се вкупно 2.122 корисници со 16.009 вработени

Исплатени се 23,5 милиони евра од Ковид 3, досега одобрени се вкупно 2.122 корисници со 16.009 вработени

Алкалоид ги израдува акционерите и пазарот: Дивиденда од 360 денари по акција, 11 отсто повисока од лани

Алкалоид ги израдува акционерите и пазарот: Дивиденда од 360 денари по акција, 11 отсто повисока од лани

Платежни сметки со основни функции за сите граѓани: Законски новини

Платежни сметки со основни функции за сите граѓани: Законски новини

НОВОТО ИМЕ ЌЕ СЕ НАЈДЕ И НА БАНКНОТИТЕ ОД 100 И 2.000 ДЕНАРИ - но дури од средината на идната година

НОВОТО ИМЕ ЌЕ СЕ НАЈДЕ И НА БАНКНОТИТЕ ОД 100 И 2.000 ДЕНАРИ - но дури од средината на идната година

Фактор дознава: Македонија денеска ја издава новата еврообврзница

Фактор дознава: Македонија денеска ја издава новата еврообврзница

Директорот Арсовски купи нови акции во ТТК банка

Директорот Арсовски купи нови акции во ТТК банка

Генерали инвестментс: Инвеститорите со долгорочни цели на заштеда треба да истраат

Генерали инвестментс: Инвеститорите со долгорочни цели на заштеда треба да истраат

ЛИХВАРИ МОЖАТ ДА СЕ ПРИЈАВАТ НА АНОНИМЕН БРОЈ - казни затвор и до три години

ЛИХВАРИ МОЖАТ ДА СЕ ПРИЈАВАТ НА АНОНИМЕН БРОЈ - казни затвор и до три години

ДОДЕКА ГОЛЕМИТЕ КИНАТ НЕРВИ - малите штедачи од Еуростандард се уште не си подигнале девет милиони евра

ДОДЕКА ГОЛЕМИТЕ КИНАТ НЕРВИ - малите штедачи од Еуростандард се уште не си подигнале девет милиони евра