ГЛАСААТ ЛИЦАТА КОИ СЕ ВО САМОИЗОЛАЦИЈА ПОЗИТИВНИ НА КОВИД: Посебни изборни одбори со заштитна опрема го спроведуваат процесот

Добивај вести на Viber

Денеска е првиот ден од гласањето на предвремените парламентарни избори, кои поради епидемијата со корона вирусот се одвиваат според посебни протоколи. Први правото на глас го остваруваат 706 граѓани кои се позитивни на Ковид-19, а кои мора да останат во изолација.

-Во текот на денешниот ден избирачите кои седат дома поради тоа што се позитивни на вирусот ќе бидат посетени од посебни избирачки одбори, од тројца здравствени работници и претставници на политичките партии. Тие при посетата на секој гласач ќе треба да се опремат со мантил, ракавици и маска, како и визири и средства за дезинфекција. Заштитната опрема се менува по завршување на гласањето на секој избирач. Лицето кое гласа во домашни услови задолжително треба да носи маска и да биде со дезинфицирани раце при приемот на членовите на избирачкиот одбор, беше истакнато на денешната прес конференција на Државната изборна комисија.

Утре ќе гласаат болните и немоќните, како и лицата во казнено поправните домови о во домашен притвор. Правото на глас ќе го искористат и внатрешно раселените лица, истакна Адмир Шабани од ДИК. Гласањето на овие категории граѓани ќе го спроведуваат Основнте избирачки одбори, што подрабира дека членовите нема да носат мантили како заштита, но, ќе имаат заштитна маска, ракавици и одржување на дистанцата.

Вкупниот број на гласачи на овие избори е 1.814.263, од кои 83.054 се заведени во посебен извод од избирачкиот список за лица кои се на привремена работа или престој во странство.