ЃОКОВИЌ ЗА ПРЕСУДАТА-КРАЈНО СУМ РАЗОЧАРАН: Сега ќе одвојам малку време да се одморам и да се опоравам

Добивај вести на Viber

По 10 дневната драма, Новак Ѓоковиќ го загуби случајот на суд и ќе биде депортиран од Австралија.

Првите информации по одлуката на Сојузниот суд се дека адвокатите на Новак нема да се жалат на одлуката, а наскоро ќе бидат соопштени причините за ваквата одлука. По одлуката се огласи и првиот светски рекет, откако беше јасно дека ќе биде депортиран и нема да може да ја одбрани титулата на Австралија Опен.

-Би сакал да дадам кратка изјава и да се осврнам на резултатите од денешното сослушување. Сега ќе одвојам малку време да се одморам и да се опоравам, пред да дадам дополнителни коментари. Крајно сум разочаран од пресудата, рече тој.

-Ја почитувам одлуката на Судот и ќе соработувам со сите надлежни органи при моето заминување од Австралија. На учесниците, на официјалните лица, работниците, волонтерите и на сите навивачи во светот им посакувам се најдобро на турнирот. На крајот, би сакал да им се заблагодарам на моето семејство, пријателите, тимот, навивачите и моите сограѓани Срби за нивната континуирана поддршка. Ти беа голем извор на сила за мене“, рече Ѓоковиќ, во изјавата што пренесе австралиски „Ејџ“.