ГИ НАДМИНАА АМЕРИКАНЦИТЕ: Oваа земја има најмногу милионери
Објавено во: Економија 21 Октомври, 2019
Богатите Кинези се повеќе на број од Американците.
Сепак, во двете држави има сè повеќе милионери, според истражувањето на швајцарската банка Credit Suisse.
Годишниот „извештај за глобалното богатство” на Credit Suisse покажа дека до средината на тековната година 100 милиони Кинези се рангирани во првите десет проценти најбогати во светот, наспроти 99 милиони лица во САД.
Бројот на милионери во светот од средината на 2018 до средината на 2019 година се зголеми за 1,1 милиони на 46,8 милиони, кои заедно имаат нето средства 158,3 трилиони долари, што е 44 проценти од вкупното глобално богатство, покажаа резултатите од студијата.
Од 1,1 милиони нови милионери, дури 675.000, значи повеќе од половината се од САД.
Бројот на милионери во Австралија е намален за 124.000, во Британија за 27.000, а во Турција за 24.000.
Во извештајот се заклучува дека 55.920 возрасни лица имаат богатство од најмалку 100 милиони долари, а 4.830 лица имаат нето средства од над 500 милиони долари.
Се предвидува и дека глобалното богатство, кое е зголемено за 2,6 проценти лани ќе порасне за 27 проценти во текот на следните пет години, на 459 трилиони долари до 2024 година.
Бројот на милионери, ќе се зголеми во тој период, на скоро 63 милиони.
Втората најмала држава во светот Монако, со 38 300 жители е најгусто населена земја во светот, но и дом на 12 261 милионери.
Таа бројка, како што пишува Бизнис инсајдер, за само пет години скокнала 12 проценти, па сега секој трет кој живее во Монако поседува милион долари.