27 Септември, 2020
0.0202

Германските работодавачи против владиното решение за ограничување на бројот на работници од Западен Балкан

Објавено во: Економија 15 Август, 2020

Германските бизнисмени изразија незадоволство од намерата на Владата на оваа земја да го ограничи приливот на трудот од Западен Балкан на 25.000 работници годишно, пренесуваат германските медиуми.

Бизнисмените велат дека решението за Западен Балкан, во сила од јануари 2016 година, отвори можности за вработување во Германија за лица од Албанија, Босна и Херцеговина, Косово, Северна Македонија, Црна Гора и Србија, додека ги намалува нелегалните имиграции и претставува успешен модел на германската политика за емиграција, пишува Ханделсблат.

Весникот понатаму наведува дека „не само компаниите, туку и германските фондови за социјално осигурување имаат корист од дополнителната работна сила“.

Според Дојче веле, предлог-законот на кој работат министерствата, со цел да се ограничи бројот на работниците од Западен Балкан на 25.000 годишно, беше критикуван од повеќе страни. Ханделблат го цитира „зелениот“ политичар Дитер Јанечек кој вели дека тоа е „бесмислен, кратковид и целосно погрешен сигнал“ и додава дека отпорот се формира и во економијата.

Ахим Деркс, заменик извршен директор на Германската трговска комора (ДИХК), вели дека по кризата, кога повторно ќе се зголеми побарувачката за квалификувани работници, предвидениот контингент може да стане тесно грло. Сличен став има и Федералното здружение на германски здруженија на работодавачи (БДА).

„Федералната влада ја оправдува реформата од една страна со фактот дека постојната регулатива истекува на крајот на годината, а од друга страна потенцира дека високата побарувачка за визи претставува огромен товар за конзулатите во Западен Балкан. Долгото чекање за виза доведува до незадоволство на работодавците и работниците “, се наведува во нацрт-законот.

Наместо да поставуваат квота, политичарите треба да воведат поефикасни визни процедури, вели Деркс додавајќи дека дигитализацијата би можела да помогне значително, според Ханделсблат.

Повеќе од половината работници од Западен Балкан (54%) работат како професионалци и квалификувани работници, додека 42% работат како т.н. помошни работници.

Централното здружение на германската градежна индустрија (ЗДБ) проценува дека околу 50.000 градежни работници од Западен Балкан работат на германски градилишта, кои тешко се наоѓаат во Германија.


Можеби ќе ве интересира

Државата ќе ви го врати сиот платен данок: Од 10 до 12 октомври - викенд без ДДВ

Државата ќе ви го врати сиот платен данок: Од 10 до 12 октомври - викенд без ДДВ

Се намалува персоналниот данок во ИКТ, трошоците за тим билдинг ќе бидат даночно признат расход

Се намалува персоналниот данок во ИКТ, трошоците за тим билдинг ќе бидат даночно признат расход

Картички за невработени, субвенции за фирмите: Денеска четвртиот пакет антикризни мерки

Картички за невработени, субвенции за фирмите: Денеска четвртиот пакет антикризни мерки

Екс министерката Ангеловска конечно се огласи по смената

Екс министерката Ангеловска конечно се огласи по смената

Ќе се одложи враќањето на бескаматните кредити, некои фирми ќе добијат и грантови: Мерките во финална фаза

Ќе се одложи враќањето на бескаматните кредити, некои фирми ќе добијат и грантови: Мерките во финална фаза

Градоначалникот Митко Јанчев како „полицаец“ на откупен пункт: Спречил инцидент

Градоначалникот Митко Јанчев како „полицаец“ на откупен пункт: Спречил инцидент

Заев најавува инвестиции во патишта во милијарди евра

Заев најавува инвестиции во патишта во милијарди евра

Владата ќе субвенционира плати за октомври, ноември и декември: Нови мерки вредни 350 милиони евра

Владата ќе субвенционира плати за октомври, ноември и декември: Нови мерки вредни 350 милиони евра

Пошта не избра банка: Колку пензионери од Еуростандард месецов ќе останат без пензија

Пошта не избра банка: Колку пензионери од Еуростандард месецов ќе останат без пензија