12 Август, 2020
0.0268

Германската влада донесе „црвена листа“: Нема влез за граѓани од Србија, Македонија, Албанија и Косово

Објавено во: Свет 02 Јули, 2020

Германската влада објави „црвена листа“ како одговор на „белата листа“ на ЕУ, според која од земјите кои не се членки на Унијата не може да влезат граѓаните на Србија, иако Брисел тоа го дозволи. Изрично не се дозволува влез ниту за државјаните на Северна Македонија, Албанија и Косово поради пандемијата.

Граѓаните од единаесет земји кои не се членки на ЕУ можат да влезат во Германија од денеска без ограничувања. Но, на германскиот список и недостасува Србија, која е дел од списокот претходно објавен од ЕУ, како и Албанија, Косово, Северна Македонија и Соединетите држави. Според одлуката на германската влада, патниците од Австралија, Грузија, Канада, Црна Гора, Нов Зеланд, Тајланд, Тунис и Уругвај можат слободно да влезат во земјата. За САД, ограничувањата за влез првично ќе продолжат да важат. За Јапонија, Јужна Кореја и Кина, дозволата ќе важи ако овие земји им дозволат на Германците да влезат во тие земји. 

Како и ЕУ, германскиот список ќе се разгледува на секои две недели. Исто така, постојат широки можности за пристап за луѓе од цела ЕУ кои имаат важна причина за патување. Овие можат да бидат Германци со друго државјанство или лица кои имаат право да живеат таму, сезонски работници во земјоделството, морнари или транзитни патници. Во иднина, клучно за да се дозволи влез во Германија ќе биде бројот на нови позитивни случаи со „Ковид-19“ во последните 14 дена.

Покрај тоа,ќе се следи периодот и начинот на кој соодветната држава ги третира пандемиите. За патниците од подрачја со висок ризик, 14-дневната карантинска обврска сè уште е во сила. Еден ден претходно, Австрија ги предупреди своите државјани за патувањата во Западен Балкан, како резултат на зголемувањето на бројот на случаи на коронавирус таму.

Од македонската Влада за Фактор изјавија дека вложуваат максимални напори за земјава да се најде на белата листа на ЕУ после две недели, но граѓаните во земјава мора да ги почитуваат препораките за заштита. 

Можеби ќе ве интересира

Во Кина вирусот стигнал од Еквадор

Во Кина вирусот стигнал од Еквадор

Вреќи со огномет имало во пристаништето во Бејрут?

Вреќи со огномет имало во пристаништето во Бејрут?

ВИРУСОТ ИМ СЕ ВРАТИ: Внесен е преку смрзната храна?

ВИРУСОТ ИМ СЕ ВРАТИ: Внесен е преку смрзната храна?

КРИЗА ВО БЕЛОРУСИЈА: Светлана Тихановскаја избега во Литванија

КРИЗА ВО БЕЛОРУСИЈА: Светлана Тихановскаја избега во Литванија

Се преселила во Норвешка и објасни зошто не сака да се врати дома

Се преселила во Норвешка и објасни зошто не сака да се врати дома

Да се спроведат масовни тестирања, бара Европската агенција за инфективни болести

Да се спроведат масовни тестирања, бара Европската агенција за инфективни болести

Eксперти открија што имало во пристаништето во Бејрут

Eксперти открија што имало во пристаништето во Бејрут

Русија денеска прва во светот ја регистрираше вакцината против коронавирусот, Путин ја објави веста

Русија денеска прва во светот ја регистрираше вакцината против коронавирусот, Путин ја објави веста

ОН: Либан две и пол недели без леб

ОН: Либан две и пол недели без леб