Генерали инвестментс: Октомври – месец на штедење, препорачуваме инвестициски депозит

Добивај вести на Viber

Го одбележуваме месецот на штедењето кој e воспоставен со цел да се информираат луѓето од целиот свет за идејата да ги заштедат своите средства во одреден финансиски продукт со можност за дополнителна заработка.

Зошто секој треба да штеди? Затоа што човек не знае што ќе се случи во иднина. Треба да се заштедат пари за да се подмират трошоци за неочекувани настани или итни случаи. Без заштеди, неочекуваните настани можат да станат големи финансиски оптоварувања. Затоа, заштедите помагаат поединецот или семејството да останат финансиски безбедни.

Најбитно од сѐ е да потенцираме дека без разлика на целта, поентата е средствата да се стават во функција на заработка на дополнителни пари. Иако се чини едноставно на прв поглед, сепак тоа е најважниот концепт кој треба да се разбере.

Нашето Друштво ќе ви помогне во реализирање на инвестициските цели преку пласирање на средствата во финансиски продукти кои се прилагодени на вашите преференции. Ние сме дел од меѓународната екипа со победнички дух – Generali, основана во 1831 година, присутна во повеќе од 50 држави во светот и рангирана меѓу 60-те најголеми компании во светот.

Доколку сеуште не сте одлучиле кој финансиски производ е најдобар за вас, ние ќе ви предложиме таков што ќе ви овозможи низа предности. Следејќи ги динамичните финансиски трендови, со цел да ги интегрираме сигурноста и инвестициите, за месецот на штедењето го издвојуваме нашиот комбиниран производ ИНВЕСТИЦИСКИ ДЕПОЗИТ во соработка со Стопанска Банка а.д. Битола.

Во услови кога финансискиот пазар се соочува со  намалување на каматните стапки на депозитите, овој производ претставува комбинација од орочен депозит во Стопанска Банка а.д. Битола и инвестирање во фондот Генерали Топ Брендови. Депозитот нуди единствена каматна стапка а делот во фондот е инвестиран во премиум светски компании.

Опис на производот ИНВЕСТИЦИСКИ ДЕПОЗИТ

Каматна стапка: 3,5%  (МКД) ; 2,4% (ЕУР)

Минимален задолжителен влог: 6.000 денари

Максимален износ: 10.000 еур во денарска противвредност

Карактеристики: Половина од средствата се орочуваат во банка како депозит, а со другата половина се купуваат удели во Генерали Топ Брендови.

Рок на орочување: 36 месеци

Тип на каматна стапка: Фиксна

Предностите што ги нуди Инвестицискиот депозит, којшто е единствен продукт од овој тип на пазарот се многубројни:

• Можност да остварите повисоки приноси од класичното штедење
• Професионално и безбедно управување
• Диверзификација и понизок ризик

Приносот на Генерали Топ Брендови за изминанате 3 години во период 30.09.2018 до 30.09.2021 изнесуваше 20,05% за целиот период.

* Приносот од изминатите години е од информативен карактер и не претставува индикација за очекуван принос во иднина.