ГАЗДИТЕ ДА НЕ СИ ИГРААТ - имаат уште 15 дена да исплатат К15, а ако не, трудовите инспектори конечно да ги казнат, бара ССМ
Објавено во: Финансии 15 Декември, 2020
Сојузот на синдикатите на Македонија декнеска предупреди дека обидите за манипулирање и создавање на сомнеж кај работниците од страна на некакви невладини организации, кои, како што велат, се кажуваат дека работат на заштита на работничките права, па и од државни институции, мора да престанат.
„Регрес за годишен одмор за работниците од приватниот сектор мора да се исплати, а потсетуваме и дека важењето на колективните договори не може да се суспендира од страна на државни органи.
Работодавачите, невладините организации и државниот инспекторат за труд да не чекаат дали требало или не требало да се исплати регресот за годишен одмор и да се надеваат дека некој ќе ги ослободи од оваа обврска“, пишуваат од Синдикатот.
Додаваат дека ССМ и Организацијата на работодавачи на Македонија, со потпишување на Општиот Колективен договор, веќе кажале дека
мора да се исплаќа регресот за годишен одмор.
„ССМ како единствен репрезентативен синдникат во Државата очекува работодавачите да ја исполнат обврската за исплата на регрес за годишен одмор така како што е утврдена во Колективните договори, а ги потсетуваме работодавачите дека имаат уште 15 дена до крајот на годината, а потоа конечно очекуваме надлежните инспекциски служби да ги казни оние кои нема да ја исполнат оваа обврска и да ги задолжат со Решение истата да ја исполнат.
Согласно член 35 од ОКД за приватниот сектор од областа на стопанството регресот за годишен одмор се исплатува во висина од најмалку 40 отсто од основицата, под услов работникот да работел најмалку 6 месеци во календарската година кај ист работодавач“, децидни се од Синдикатот.
Децидни се дек општиот колективен дговор за приватниот сектор се применува непосредно и е задолжителен за работодавачите и вработените во приватниот сктор и нема исклучоци“, потенцираат од ССМ.