(ГАЛЕРИЈА) ТРАУМАТИЧЕН МОМЕНТ: Заев во грч ја чекаше пресудата
Објавено во: Македонија, Галерија 21 Мај, 2018
На премиерот му олесна.
Слушна ослободителна пресуда за случајот во кој се товареше дека како градоначалник на Струмица барал поткуп од приближно 160 илјади евра од струмичкиот бизнисмен Иван Николов Сачевалиев за легализација на градежно земјиште.
Како што посочи премиерот слушањето на пресудата за него била трауматичен момент.
- Ова беше трауматичен момент за мене. Но, среќен сум што успеав да докажам дека сум невин, имавме доволно докази - рече Заев по излегувањето од Судот.
Судот одлучи да го ослободи од одговорноста и во читањето на пресудата судијата Дарко Тодоровски наведе дека јавниот обвинител не успеа да докаже дека обвинетиот го сторил делото што му се ставаше на товар.