Гајсер навестува смена на Заев
Објавено во: Македонија 13 Август, 2019
Анализа на случувањата во земјава, преку радио во живо, направи соработникот на медиумот Ла Верита кој денеска навести за смена на премиерот во Македонија, пренесе 24 вести.
„Македонија го смени името како подарок за Грција. По овој скандал, сигурен сум дека Заев ќе ја заврши кариерата на премиер“ - рече Гајсер кој сепак не објави нови аудио снимки поврзани со случајот.
Ларис Гајсер во емисијата која одеше во живо на италијанското „Радио Каподистриja“, меѓу другото, рече дека по објавувањето на аудио разговорите очекувал дека лицата чии гласови се слушаат ќе негираат дека се работи за нив, пренесоа дел од медиумите.
Гајсер кажа и дека „претседателот Пендаровски со прес-конференцијата од вчера покажал дека полека се дистанцира од Заев“.
„Не спиев од страв дека луѓето од снимките ќе негираат дека се тие. Нешто што е сосема легитимно. Но, сите признаа дека се работи за нив“, кажа Гајсер потенцирајќи дека се „разоткри системска корупција, политичка и судска“.
Toj вели дека поради страв од исчезнување на доказите ги објавил јавно.
Запрашан дали се познава со екс-премиерот Никола Груевски „признава дека имал контакт со луѓе на Груевски од минатото, но дека лично не го познава ниту него, ниту Виктор Орбан“.