Фунтата на рекордно ниско ниво, расте вредноста на доларот во однос на кошницата на валути
Објавено во: Финансии 26 Септември, 2022
Фунтата падна на најниско ниво од 1985 година во однос на доларот во азиската трговија денес, бидејќи трговците набрзина ја отфрлија британската валута поради шпекулациите дека економскиот план на новата влада ќе ги оптоварува финансиите на Велика Британија до крај.
Потонувањето на фунтата му помогна на американскиот долар да го достигне новото 20-годишно ниво во однос на кошницата на големи ривали.
- Фунтата потона за дури 4,9 отсто во текот на ноќта во Азија на историски најниско ниво од 1,0327 долари, пред да се смири на околу 1,05405 долари, што е за 2,9 отсто помалку од затворањето во петокот. Британската валута падна за 3,6 отсто во петокот, откако новиот министер за финансии Кваси Квартенг го претстави планот за историски даночни намалувања што ќе се финансираат со зголемено задолжување на пазарот на долгови, најголемо од 1972 година - пишуваат светските медиуми.
Според Ројтерс, фунтата е најновата жртва на турбуленциите што ги зафатија финансиските пазари во последно време поради зголемувањето на глобалните геополитички тензии.
- Еврото, исто така, го допре новото две децении најниско ниво во однос на доларот поради стравувањата од рецесија, бидејќи енергетската криза се проширува како што се приближува зимата поради ескалацијата на војната во Украина и референдумот за анексија на регионите Луганск, Доњецк, Керсон и Запорожје кон Русија - пишува во анализата на „Ројтерс“.
Дополнително, на парламентарните избори во Италија, одржани викендов, победа извојува сојузот на лидерот на екстремната десница Џорџе Малони и нејзините евроскептични сојузници - Лигата и Силата на Италија - што, се проценува дека ќе ја промени рамнотежа на силите во Европа.
Индексот на доларот, кој ја мери вредноста на доларот во однос на кошницата на главни валути, вклучувајќи ги фунтата, еврото и јенот, достигна 114,58 за прв пат од мај 2002 година, пред малку да се повлече на 113,73, сè уште падна за 0,52 отсто над нивото на крајот на минатата недела.
Американската валута порасна во однос на јенот по минатонеделната ненадејна девизна интервенција од страна на јапонските власти, бидејќи фокусот на инвеститорите се врати на острите разлики меѓу агресивната монетарна политика на Федералните резерви (ФЕД) и инсистирањето на Банката на Јапонија да ја задржи својата масовна програма за стимулирање.
Можеби ќе ве интересира
САМО НЕБОТО Е ЛИМИТ ЗА МАКЕДОНСКИТЕ БАНКИ! Која од нив објави 19 милиони евра профит за три месеци?
ОВА СЕ ЧЕТИРИТЕ НАЈГОЛЕМИ УЛТРА ИНТИМНИ ВИП НАСТАНИ КАДЕ ОДАТ НАЈБОГАТИТЕ: Тука тешко е да присуствува обичен човек
РАБОТАТ ОД ДОМА, А СААТНИЦАТА ДОСТИГНУВА 200 ЕВРА: Ова е список на работни места за кои многумина сонуваат
МАКЕДОНЦИТЕ ПОЧНАА МАСОВНО ДА ОДАТ ВО ГРЦИЈА: Еве ги цените во предсезоната
АМЕРИКА МОЖЕ ДА СЕ СООЧИ СО СТАГФЛАЦИЈА: директорот на JPMorgan Chase предупредува „економијата на САД се враќа на проблемите од 70-тите“
ВТОР МЕСЕЦ ПО РЕД ПАЃААТ - проесечната нето плата 39.276 денари, еве во кои сектори има најголемо намалување
АКО ВЕЌЕ „ГЛАВАМ“ ВО БАНКА, БАРЕМ НЕКА БИДЕ ЗА ДА СИ КУПАМ СТАН - голем пораст на станбените кредити, еве колку должат граѓаните
ДА СЕ ОДАНОЧАТ ТРИТЕ ИЛЈАДИ НАЈБОГАТИ ВО СВЕТОТ, А ПАРИТЕ ДА ОДАТ ДИРЕКТНО КАЈ СИРОМАШНИТЕ - еве го планот на една нобеловка
ЕВЕ КАДЕ ГИ ВЛОЖУВААТ СВОИТЕ ПАРИ 0,001 ПРОЦЕНТ ОД НАЈБОГАТИТЕ: Живеат поинаку од остатокот од светот
