(ФОТО+ВИДЕО) НОВИ НЕМИРИ: Уште четворица загинати во протестите во Боливија
Објавено во: Свет 17 Ноември, 2019
Уште четворица загинати има на протестите во Боливија.
Медиумската комисија за човекови права денеска соопшти дека уште четворица луѓе загинале во демонстрациите. Од почетокот на кризата и протестите на крајот на октомври забележани се најмалку 23 смртни случаи.
Според податоците на Организацијата на американски држави, на протестите од петокот се повредени најмалку 122 луѓе.
Боливиската војска и полиција во петокот отворија оган врз поддржувачите на доскорешниот претседател Ево Моралес во градот Сакаба.
Моралес на Твитер напиша дека се случил „масакр“ и ја опиша преодната влада на самопрогласената претседателка Хенин Ањес како диктатура.
ОН ја осудија „беспотребната и несразмерна употреба на сила“ на полицијата и војската во Боливија.
Во главниот град на Боливија, Сукре, избија судири кога опозициската лидерка, Анес, се прогласи за привремена претседателка на земјата по оставката на Ево Моралес. Гневните поддржувачи на Моралес сметаат дека таа нема легитимитет и мора да се повлече.
Претходно, Моралес, поднесе оставка од функцијата претседател соочувајќи се со притисоци и протести поради обвинувања за измама на изборите на 20. октомври, на кои извојува убедлива победа.
По ова, тој замина во Мексико каде му беше одобрен азил.