(ФОТО+ВИДЕО) Експлозија на плин во зграда во Словачка уби најмалку пет луѓе
Објавено во: Свет 06 Декември, 2019
Најмалку пет луѓе загинаа во експозија на плин во зграда во Словачка.
Инцидентот се случил во 12-катна зграда во словачкиот град Прешов, јави словачката агенција ТАСР.
Околу 85 пожарникари го гаснат огнот. Во спасувачките операции се вклучи и армијата со шест хеликоптери.
Градоначалничката на Прешов Андреа Турцанова, изјави дека има голем број повредени, во најголемата трагедија во градот во последните 5 децении. Голем е бројот и на оние кои останаа без покрив над главата.
„Подготвени се над 130 кревети за оние кои останаа без покрив над главата, од кои дел се во локалната гимназија, а дел во објект за домување“, изјави портпаролката на Министерството за одбрана Данка Цапакова.
Девет лица се примени во болница, а на многумина им е пружена лекарска помош, вклучително и психолошка помош. Не се знае колку луѓе имало во зградата.
фото ЕПА/AП