Добивај вести на Viber
„Прекрасна македонска убавина, Калин Камен. Искористете ја секоја можност да уживате во убавината на нашата татковина!“, искоментира Љупчо Николовски, вицепремиерот за борба против корупција, по својот излет викендов во природата.
По се изгледа власта го користи продолжениот викенд да ги наполни батериите за нова политичка борба со опозицијата во 2021. Покрај премиерот Зоран Заев и министерот за здравство Венко Филипче, кои се дружеа со своите синови на Беласица, по истиот пример тргнаа и Стојанче Ангелов, директорот на Центарот за управување со кризи, како и Андреј Жерновски, поранешниот заменик-министер за надворешни работи.
„Прв новогодишен планински тренинг на ветровитиот овчеполски врв со извонреден поглед на сите страни“, искоментира Ангелов од врвот Богословец.
„Тежината од 2020-та ја оставаме позади нас. Нека оваа година, која само што започнува, ни биде полна со сончеви денови, здравје, љубов и среќа“, посака Жерновски од Водно.