(ФОТО) Не беа само Заев, Османи и Бектеши: Бројни македонски политичари ги бодреа фудбалерите во Букурешт
Објавено во: Македонија 14 Јуни, 2021
Иако бројот на влезници за деби-натпреварот на македонската фудбалска репрезентација на Европското првенство беше ограничен, сепак голем број на политичари од Македонија кои се снајдоа за потребната влезница во Букурешт за историскиот напревар против Австрија.
Покрај премиерот Зоран Заев, министерот за надворешни работи Бујар Османи и министерот за економија Кршеник Бектеши како членови на Владата, во романската престолнина во живо мечот го следеа и други познати личности од јавниот политички живот.
Најдобрите македонски фудбалери беа бодрени од градоначалниците на Охрид и Штип - Костадин Георгиевски и Сашко Николов, како и од пратениците Миле Лефков и Моника Зајкова. Таму беа и истакнатите членови на СДСМ и ВМРО-ДПМНЕ - Андреј Жерновски и Влатко Ѓорчев.