Формирана е Регионална унија на театри во Белград

Добивај вести на Viber

Театри од Белград, Сараево, Загреб, Скопје, Подгорица и Бања Лука потпишале протокол за соработка и формирале Регионална унија на театри (РУТА), јавува N1.

Претставничката на Драмски театар Скопје, Софија Куновска истакнала дека соработката во регионот е здрава за граѓаните, но и за театарските професионалци кои ќе добијат можност да работат и на други сцени.

Регионалната унија ја сочинуваат Београдско драмско позориште, Драмски театар од Скопје, Камени театар 55 од Сараево, Градско позориште од Подгорица, Месно гледалишче од Љубљана и Казалиште Улусес од Заегреб, а целат е да се овозможи соработка помеѓу тие театри и публиката да може да види репрезентативни претстави од регионот и да се паравт големи копродукции.

Првиот фестивал РУТА ќе се оддржи од 1 до 6 декември во Београдско драмско позориште, а потао ќе продолжи во регионот. Фестивалот ќе го отвори претставата на БДП „Лилиа“ во режија на Ана Томовиќ, а потоа публиката ќе може да ги види претставите од регионот.

Идеен творец на РУТА, Југ Радивојевиќ рекол дека БДП од основањето е свртено кон светот, Европа и регионот и дека целта на театарот е да оди во чекор со времето и дека една од неговите цели од кога тој е на чело на БДП е да се овозможи соработка помеѓу театрите на главните градови на поранешните југословенски републики.