Фондот за иновации првично одреди на кои 30 апликанти ќе им даде 5 милиони евра

Добивај вести на Viber

Фондот за иновации донесе одлука првично на кои 30 проектни апликации ќе им одобри грантови за ко-финансирање со кои се исцрпува 99% од предвидениот буџет на повикот, односно 4.949.800 милиони евра.

Вкупните инвестиции заедно со средствата на претприемачите се во вкупен износ од над 7 милиони евра, што значи дека 2.322.907 милиони се сопствено учество на апликантите. 90 отсто од овие компани се нови корисници во однос на ланските и другите претходни, додека само 10 проценти се претходно одбиени, но потоа аплицирале со подобрени проекти. 

Комитетот за одобрување соопшти дека добитниците произлегуваат од евалуацијата на 366 проектни апликации доставени во рамките на јавниот повик за комерцијализација на иновации, што го финансираат Владата и Светска Банка.

Фондот достави до Владата иницијатива овој фонд двојно да се зголеми, соопштија денеска од таму. Фондот веќе работи на промени на процедурите и воведување т.н. „fast track“ процедура за аплицирање. Со оваа процедура, сите компании што во рамки на овој или предходните повици стигнале до фаза на финална селекција да имаат право да аплицираат на наредниот повик со ист или подобрен проект и да влезат директно во фаза на финална селекција.