23 Февруари, 2020
0.0177

ФОКУС НА ДЕНОТ: Сугарески: Се гради како никогаш досега - Втор ден од Г-7самитот

Објавено во: Македонија 25 Август, 2019

* Сугарески: Досега изградивме и рехабилитиравме преку 500 километри патишта

Првиот човек на министерството за транспорт и врски преку прес конференција истакна дека во моментот се гради насекаде низ земјава како никогаш досега. Министерот, Горан Сугарески рече дека досега се изградени и рехабилитирани преку 500 километри патишта, инвестиции со вкупна вредност од околу 540 милиони евра.

„Го завршивме автопатот Миладиновци- Штип кој како голем товар го наследивме од ВМРО-ДПМНЕ заради бројните грешки и недостатоци во изградбата. Но бевме решени, автопатот мораше да се заврши со сите безбедносни аспекти за сообраќај. Впрочем граѓаните имаат право да знаат како им се трошат нивните пари. Ги решивме сите недоследности и пропусти што ги наследивме од ВМРО-ДПМНЕ и го пуштивме во сообраќај и автопатот од Демир Капија до Смоквица“, вели Сугарески.

* Ахмети : Случајот „Рекет“ темелно да се истражи,одговорност за сите што направиле криминал

„ Нашиот народ има еден израз, извонредна филозофија – алчност расипува секого. Мислам дека тука се работи за алчност. Не се работи за сценарио, според моја проценка“ рече лидерот на ДУИ, Али Ахмети, во својата прва изјава за случајот „Рекет“.

Ахмети рече дека кој и да е вклучен во овој скандал треба да одговара пред правдата. Според него пред лицето на правдата треба да биде изведен секој што ги прекршил законите.

* Рахиќ: Јанева е во посебен одел во Истражниот Затвор Скопје

„Госпоѓа Катица Јанева не е во женско одделение, таа е во еден посебен оддел каде што според безбедносната проценка на затворската управа има друг третман, од безбедносен здравствен и секаков друг аспект“, истакна директорот на Истражниот затвор Скопје во Шутка, Есад Рахиќ, во неделното интервју за Радио Слободна Европа.

Директорот рече и дека Специјалната Јавна обвинителка е само во посебниот одел во Шутка, поради тоа што станувало збор за личност која била специјален јавен обвинител, за да се направи комплетна безбедносна и здравствена проценка и госпоѓата да биде сместена на адекватно место.

* Трамп размислува да ја покани Русија на следниот самит на Г-7

Претседателот на САД, Доналд Трамп, изјави во Бијариц дека е „можно“ тој да ја покани Русија да се врати на годишниот самит на индустријализираните земји следната година кога е домаќин на самитот на Г-7.
Во изјавата за време на работниот појадок со британскиот премиер Борис Џонсон на маргините на митингот Г-7 во Бијариц, Франција, Трамп рече дека размислува да испрати повик до рускиот претседател, Владимир Путин.

Русија беше член на групата тогаш наречена Група Осум, но повеќето земји учеснички ја отфрлија Русија во 2014 година, поради Украина. 

* Џонсон: Неизвесно е дали Велика Британија ќе ја напушти Европската унија без договор

Премиерот на Велика Британија за Би-Би-Си изјави дека напуштањето на ЕУ без договор „сега многу неизвесно“, иако претходно тврдеше дека шансите за напуштање на Унијата без договор се „едно во едно“.
Во интервју за услугата на Велика Британија за време на самитот на Г-7 во Франција, Џонсон рече дека „сега сè зависи од нашите пријатели и партнери во ЕУ“.

„ Мислам дека е неизвесно, но важно е да се подготвиме да заминеме без договор“, рече Џонсон на прашањето на новинарите какви се шансите Велика Британија да го напушти европскиот блок без договор со Брисел.


Можеби ќе ве интересира

ФОКУС НА ДЕНОТ: Партиите кројат листи, платата расте, страстите за кокаинот не се смирија

ФОКУС НА ДЕНОТ: Партиите кројат листи, платата расте, страстите за кокаинот не се смирија

Министерот за дијаспора тврди дека таа не е повеќе блиска со ВМРО-ДПМНЕ

Министерот за дијаспора тврди дека таа не е повеќе блиска со ВМРО-ДПМНЕ

ПРИЛЕПЧАНИ АВАНТУРИСТИ - уживаа во Инфо Спелео Ден

ПРИЛЕПЧАНИ АВАНТУРИСТИ - уживаа во Инфо Спелео Ден

ЧУЛЕВ КОНТРА ПЕТРОВСКА - 1.129 килограми кокаин од Колумбија навистина требаше да заврши кај нас

ЧУЛЕВ КОНТРА ПЕТРОВСКА - 1.129 килограми кокаин од Колумбија навистина требаше да заврши кај нас

Заев, Николовски, Царовска ќе „трчаат“ против Сиљановска, Мизрахи, Јанушев...

Заев, Николовски, Царовска ќе „трчаат“ против Сиљановска, Мизрахи, Јанушев...

СИЛНО ВЕТУВАЊЕ - Мицковски се обврза дека ќе донесе бесплатен гас до секое семејство

СИЛНО ВЕТУВАЊЕ - Мицковски се обврза дека ќе донесе бесплатен гас до секое семејство

НЕМА ТРАГИ НА НАСИЛНА СМРТ - од што починал 45-годишниот скопјанец во хотел во Охрид

НЕМА ТРАГИ НА НАСИЛНА СМРТ - од што починал 45-годишниот скопјанец во хотел во Охрид

БИЛЕ ЛИ ОПАСНИ - Во Битола најдени гранати од Прва Светска Војна

БИЛЕ ЛИ ОПАСНИ - Во Битола најдени гранати од Прва Светска Војна

МАЛКУ Е ГРИПОТ - па вчера избил и пожар на Инфективна

МАЛКУ Е ГРИПОТ - па вчера избил и пожар на Инфективна