03 Април, 2020
0.0244

Нашиот Фонд за иновации ќе се преслика во регионот

Објавено во: Финансии 22 Февруари, 2020

Фондот за иновации и технолошки развој е препознаен како успешен пример во студијата изготвена од Светскиот економски форум (ВЕФ) со предлог да се преслика и во другите земји од регионот. Анализата на ВЕФ во која се идентификуваат можностите и приоритети за идната Платформа за конкурентност и иновации на Западен Балкан беше претставена на лидерската средба во Тирана на која ресорни министри, директори и бизнисмени дебатираа за идната соработка и дефинирање на акцискиот план за имплементација на овој проект.

Министерката за финансии, Нина Ангеловска и директорот на ФИТР, Јован Деспотовски на средбата поднесоа конкретен предлог за осовање на регионален Фонд за иновации кој ќе има за цел да привлече поглем прилив на странски капитал и зголемена конкурентност на регионот.

“Инициравме креирање на регионален Фонд за иновации со кој ќе се искористи потенцијалот на регионалниот пазар од 17 милиони луѓе, а не само на фрагментираните пазари. Ние имаме инвестициско портфолио од околу 65 милиони евра. Над 340 компании веќе користат средства за иновации и технолошки развој. Сите овие бројки и резултати се препознаени и од меѓународните партнери. Целта е моделот што веќе функционира во Северна Македонија, кој, исто така постои и во Србија, да се подигне на едно повисоко ниво,“ нагласи Деспотовски. 

Целта на регионалниот фонд е зајакнување на прекуграничната соработка и поттикнување на инвестиции во приватниот сектор и иновациите, како и отворање на нови можности за финансирање на бизнис проекти во регионот. Исто така целта е да се отвори поголем пазар и можности за пристап до таленти, со што би се придонело и кон намалување на проблемот со одлив на мозоци.

Предлогот доби поддршка и од претставниците на бизнис заедницата и од делегациите на 6те земји од Западниот Балкан кои се вклучени во проектот. Сите ја нагласија потребата од користење и унапредување на веќе постоечки успешни модели со цел забрзан раст и развој на регионот и предностите на регионалната соработка.

И министерката Ангеловска нагласи дека е многу важно што во оваа иницијатива за зголемување на конкурентноста на регионот и пробив на домашните компании на глобалниот пазар ќе бидат вклучени и јавниот и приватниот сектор.

“Со здружени напори треба да ги адресираме проблемите со кои се соочуваат сите земји во региоонот како - јазот во потребните вештини, особено критичко размислување и претприемништво, одливот на таленти, олеснување на адиминистративните процедури. Преку креирање на екосистеми во кои ќе се развиваат компаниите и стартапите ќе прераснат во успешна приказна, ќе може да изградиме конкурентна економија, на национално, но и регионално ниво,“ изјави Ангеловска.

Инаку ова е прва иницијативата на Светскиот економски форум за земјите од Западен Балкан, што има за цел да се развие платформа – бизнис акцелератор кој ќе придонесе до придонесе за забрзување на иновациите и конкурентноста во регионот и поголема соработка на економски план. Според нив, трансформативно претприемништво, трпеливо инвестирање, нови пазари и предвидувања со конкретни препоракии за акција се четирите приоритети на идниот акцелератор за конкурентност и иновации на Западен Балкан кој е во почетна фаза.


Можеби ќе ве интересира

Бежовска: Ќе се намали растот на кредитите и на депозитите, позначајно ќе ја ревидираме стапката на економски раст

Бежовска: Ќе се намали растот на кредитите и на депозитите, позначајно ќе ја ревидираме стапката на економски раст

Ангеловска: Парите од ММФ ќе стигнат најбргу, а потоа ќе дојдат и другите до почеток на мај

Ангеловска: Парите од ММФ ќе стигнат најбргу, а потоа ќе дојдат и другите до почеток на мај

Еве каде да ги известите банките дека ќе си го плаќате кредитот

Еве каде да ги известите банките дека ќе си го плаќате кредитот

СИТЕ ПОНУДИ НА ЕДНО МЕСТО - еве што ви спремија банките за да ја пребродите кризата

СИТЕ ПОНУДИ НА ЕДНО МЕСТО - еве што ви спремија банките за да ја пребродите кризата

Димитриеска-Кочоска: Нема да правам опструкции кога на Македонија и требаат пари

Димитриеска-Кочоска: Нема да правам опструкции кога на Македонија и требаат пари

ДАЛИ СИТЕ БАНКАРСКИ КАМАТИ ЌЕ СЕ НАМАЛАТ ДО 5,75 ОТСТО - банкарите ја чекаат Уредбата во Службен весник

ДАЛИ СИТЕ БАНКАРСКИ КАМАТИ ЌЕ СЕ НАМАЛАТ ДО 5,75 ОТСТО - банкарите ја чекаат Уредбата во Службен весник

ШТО ПРЕДЛАГААТ ИСЕЛЕНИЦИТЕ ЗА СПАС НА ЕКОНОМИЈАТА: Нови мерки и повеќе државни пари

ШТО ПРЕДЛАГААТ ИСЕЛЕНИЦИТЕ ЗА СПАС НА ЕКОНОМИЈАТА: Нови мерки и повеќе државни пари

СПАСОВСКИ: ВЛАДАТА НЕ МОЖЕ ДА ПОСЕГНЕ ПО ВТОРИОТ ПЕНЗИСКИ СТОЛБ - тоа се пари на осигурениците лично

СПАСОВСКИ: ВЛАДАТА НЕ МОЖЕ ДА ПОСЕГНЕ ПО ВТОРИОТ ПЕНЗИСКИ СТОЛБ - тоа се пари на осигурениците лично

БАНКАРИТЕ СЕ ПРАВДААТ - ако ги простиме каматите, ќе влеземе во загуби и потоа нема да можеме да кредитираме

БАНКАРИТЕ СЕ ПРАВДААТ - ако ги простиме каматите, ќе влеземе во загуби и потоа нема да можеме да кредитираме