Филипче: Трансплатацијата на срце е успешна
Објавено во: Македонија 23 Мај, 2020
Mинистерот за здравство, Венко Филипче објави дека првата трансплантација на срце во земјава, која што се направи вчера е успешна. Донор на срцето е почината пациентка чие семејство се согласило срцето да го добие друг пациент кој веќе долго време чека донор.
На Првата трансплантација на срце во земјава работеше мешан тим кардиохирурзи, врвни експерти од повеќе здравствени установи меѓу кои и проф. д-р Сашко Јовев од државната кардиохирургија и д-р Жан Митрев од „Жан Митрев Клиник“. Но и професор д-р Александар Николиќ кардиохирург од Клиничката болница „Аџибадем Систина“ и шефот на Одделот за анестезија д-р Димче Славески, специјалист по анестезиологија со реаниматологија од „Аџибадем Систина“.