Филипче: Сите девет патници тргнале од исто место во Италија
Објавено во: Македонија 26 Февруари, 2020
Четири луѓе се од Скопје и пет луѓе сосе возачот се од Струмица, појасни министерот за здравство, Венко Филипче за сопатниците кои допатувале од Италија со 50 годишната жена која е заразена со коронавирус.
Луѓето се лоцирани, и контактирани. Министерот вели дека коронавирусот е многу опасен за постари луѓе кои имаат хронични болести.
Сите девет патници тргнале од исто место во Италија.
„Ќе го повторам апелот, граѓаните да даваат точни информации на граница, тоа е исклучително битно“, рече Филипче.
За жената која е изолирана на Инфективна клиника, вели дека е во добра состојба.