Филипче: Лично немам проблем да се вакцинирам и со вакцината на АстраЗенека
Објавено во: Македонија, Корона Вирус 12 Март, 2021
Будно следиме, препораките од самите производители и одлуките во одредени земји. Врз основа на тоа ги градиме нашите препораки, изјави министерот за здравство, Венко Филипче за вакцините при гостување во емисијата Топ Тема на Телма.
„Немам проблем да се вакцинирам со која било вакцина. Сите вакцини се безбедни. Лично немам проблем да се вакцинирам и со вакцината на АстраЗенека“, изјави Филипче.
По одлуката на Данска, Норвешка и Исланд да ја прекинат вакцинацијата со вакцината на АстраЗенека, Германија и Франција соопштија дека ќе продолжат да ја користат оваа вакцина на британско-шведскиот производител.