Филипче има совет околу доењето за мајки заразени со коронавирусот или сомнителни
Објавено во: Македонија, Корона Вирус 06 Август, 2020
Првиот човек на македонското здравство, Венко Филипче има совет до мајките кои се позитивни на коронавирусот и ги дојат своите бебиња.
Тој советот го сподели на социјалната мрежа Фејсбук.
„Мајките кои се суспектни или COVID-19 позитивни можат безбедно да ги дојат своите бебиња, треба и пожелно е, бидејќи ако се престане со доењето, ќе се намали и количеството мајчино млеко, а со тоа и заштитните фактори коишто ги содржи. Мајчиното млеко содржи антимикробни фактори: секреторен ИгА, ИгМ, ИгГ, олигосахариди, лизозими, леукоцити и таканаречени цитокини и антиинфламаторни фактори“, информира Филипче.