ФИЛИПЧЕ И РУСКИОТ АМБАСАДОР ГИ ПРЕЧЕКАА РУСКИТЕ ВАКЦИНИ - спутник В е нова надеж, се разговара и за другите количини
Објавено во: Македонија 07 Март, 2021
На скопскиот аеродром пристигнаа првите 3.000 дози од руската вакцина Спутник В.
Вакцините ги презеде возилото на Здравствен дом, каде од среда ќе почне вакцинацијата.
Обезбедени се услови за нивно чување, односно фрижидери од минус 18 до минус 22 степени целзиусови.
Ова е прва пратка од вкупно набавените 200.000 дози вакцини од Спутник.
Вакцините беа пречекани од министерот Венко Филипче и рускиот амбасадор, н.е.Сергеј Баздникин.
„Ова е прва количина од три илјади дози со кои ќе обезбедиме континуитет на процесот на имунизација. Голема благодарност до амбасадорот за неговиот ангажман за вакцините во земјава да пристигнат што побргу. Овие денови разговараме и за динамиката на другите количини вакцини од вкупно нарачани 200.000 вакцини. Станува збор за вакцини кои се различни во делот на вакцинацијата и ревакцинацијата, значи сите овие 3.000 дози ќе се користат за првата вакцина“, рече Филипче.
Рускиот амбасадор рече дека е присутен со задоволство.
„Убеден сум дека тоа ќе биде од голема важност за спасување човечки животи и враќање на македонската економија на траекторија на развојот и раст. Секогаш сме подготвени да им помогнеме на македонските граѓани со кои уживаме во вековните традиции на пријателство и заеднички вредности. Имме соработка со Владата и сакаме да ја прошируваме. Спутник е првата регистрирана вакцина во светот базирана на платформа на човечкиот аденовирус вектор. Вакцината е апсолутно безбедна и ефикасна и со право станува светски бестселер. Регистрирана е во 46 земји во светот, вклучувајќи и неколку држави во ЕУ. Во тек е забрзана постапка во Европската агенција за лекови за да ја испитаат, во СЗО се разгледува барањето да се вклучи во листа лекови одобрени од СЗО. Да ви посакам добро здравје, а на храбрте македонски лекари и персонал брза победа во борбата против панемијата“, рече амбасадорот.
Вакцините нема да се користат за трудници и доилки.
Ќе се вакциниаат од среда најстарите категории граѓани. Сите ќе бидат известени преку своите матични лекари и повикани на пунктовите. Во старечките домови ќе биде вакцинацијата внатре во нив.
Овие вакцини ќе се чуваат во пунктот на Јане Сандански, на минус 18 степени.
По смртнот случај во Австрија за АстраЗенека, Филипче вели дека за сите вакцини за време на истражувањата немало несакани ефекти. Проблемите со оваа вакцина се расчистени.
„Но експертите ги следат будно сите публикации“.