Филипче: Агрегатот на Клинички функционира
Објавено во: Македонија 04 Декември, 2019
Министерот за здравство, Венко Филипле, денеска пред новинарите рече дека агрегатот на Клиничкиот центар „Мајка Тереза“ е во добра состојба и може да функционира доколку има струја во градската мрежа како што се случи во претходните два дена.
Скопските клиники некое време останале без струја во моментот кога падна системот на елекрично напојување во Центар и Карпош , а Универзитетската Клиника за гинекологија вчера соопшти дека бебињата во инкубатор не биле воопшто загрозени кога ЈЗУ ГАК останала без напојување со електрична енергија и нагласија дека секој витален апарат е поврзан на UPS, опција која е во функција додека не се вклучи агрегатот.
– Разговарав уште вчера со директорката на Клиниката и нема потреба од замена на агрегатотот, бидејќи го провериле и тој функционира одлично. Не била доведена во прашање безбедноста на новороденчињата. А осветлувањето во кругот на скопските клиники е подобрено уште претходно, кога беа заменети светилките – изјави Филипче.
Клиниката за гинекологија и акушерство во Скопје откако дошло до прекин на електрична енергија во градската мрежа останала без струја. Како причина бил големиот дефект на трафостаницата во Козле кој голем дел од центарот на Скопје го остави без струја, а при тоа не се вклучил агрегатот, објавија претходно одредени медиуми.