ФАКТОР НА ДЕНОТ: Заев го доби мандатот, а ВМРО-ДПМНЕ ги замрзна односите со Пендаровски
Објавено во: Македонија 13 Август, 2020
ПЕНДАРОВСКИ МУ ГО ДАДЕ МАНДАТОТ НА ЗАЕВ
Претседателот на Македонија, Стево Пендаровски, му го додели мандатот за составување на Влада на лидерот на СДСМ, Зоран Заев, кој најави дека во наредните 20 дена ќе биде формирана егзекутивата.
„Чест и одговорнст ми е што согласно Уставот, како предводник на СДСМ и коалицијата „Можеме“, денеска да го добијам мандатот од претседател за составување на нова одговорна европска Влада со инстоитуции кои ќе служат уште повеќе. Имаме рок од 20 дена за определување на кадри за полн четиригодишен мандат за стабилна влада која ќе биде подготвена да им служи на сите граѓани подеднакво без било какви предрасуди и национализми“, рече Заев во протоколарниот дел.
Тој најави дека ќе бидат предложени одговорнии отчетни кадри кои, како што вели, ќе се борат против криминалот и корупцијата, прочистување на правосудството и проверка на потеклото на парите на секој функционер.
Најави дека економски приоритет ќе биде вложување во младите, рамномерниот регионален развој, политика за најсиромашните граѓани и домашното стопанство,ВМРО-ДПМНЕ ГИ ЗАМРЗНУВА ОДНОСИТЕ СО ПЕНДАРОВСКИ
Партијата ВМРО - ДПМНЕ ќе ги замрзне односите со претседателот на државата, Стево Пендаровски.
Ова го најави партискиот претседател Христијан Мицкоски, откако како што рече денеска Пендаровски му даде мандат за состав на Влада на пратеникот Зоран Заев.
Тој обвини дека Заев нема мнозинство, и праша зошто Пендаровски му го дал мандатот на Заев кога исто ветување дека ќе има мнозинство можел да даде секој друг пратеник.
Според Мицкоски, Македонија оди во погрешна насока.
Заев пак вети дека за 20 дена ќе состави Влада.
СДСМ со денови преговара со ДУИ, со цел составување на Влада.
НОВИ 141 ЗАРАЗЕН СО КОРОНАВИРУСОТМинистерството за здравство информира дека во последните 24 часа се направени 1848 тестирања, а регистрирани се 141 нови случаи на ковид-19 во: Скопје-48, Куманово-21, Дебар-2, Штип-15, Прилеп-1, Струга-1, Битола-7, Кавадарци-9, Гостивар-4, Гевгелија-1, Струмица-4, Кочани-4, Пробиштип-2, Демир Хисар-1, Македонски Брод-4, Берово-1, Виница-7, Свети Николе-3, Кичево-5, Неготино-1.
Денеска Институтот за јавно здравје регистрира 175 оздравени пациенти од: Скопје-37, Куманово-27, Штип-56, Прилеп-3, Тетово-5, Битола-1, Кавадарци-4, Гостивар-14, Гевгелија-5, Радовиш-2, Демир Хисар-1, Македонски Брод-1, Свети Николе-11, Кичево-7, Ресен-1.
Починати се два пациенти, пациент од Скопје (88г.) во болнички услови и пациентка од Кичево (80г.) вонболнички.ИМА ПРЕДЛОГ ЗА НАСТАВА ВО ВРЕМЕ НА КОВИД -19
Комисијата за заразни болести денеска на состанок со претставници на Министерството за образование и наука, предложила учениците до трето одделение да одат во училиште, а за останатите да има онлајн настава.
Повозрасните ученици според предлогот ќе треба да учат од дома.
Ова за МИА го изјави министерот за здравство Венко Филипче.
Тој вели дека за овој предлог на Комисијата треба да се дискутира на седница на Владата и да се донесе конечна одлука.ЧИТАЈТЕ УШТЕ
Се огласија банкарите по затворањето на Еуростандард банка.