27 Септември, 2020
0.0276

ФАКТОР НА ДЕНОТ: Уште нема договор за Влада, а Трифун Костовски најави дека ќе тужи

Објавено во: Македонија 14 Август, 2020

СДСМ ДЕМАНТИРАШЕ ДЕКА ДОГОВОРИЛЕ ПРЕМИЕР СО ДУИ

СДСМ во целост ја демантира објавената неточна вест од страна на Канал 5 телевизија со наслов: Договорен премиер по принципот три години Заев , една Зибери –ДУИ ќе управува со УЈП и МВР.

„Не е точно дека во разговорите помеѓу СДСМ и ДУИ е договорен премиер по принцип како што е објавено, тоа е невистина. Исто така не е точно ниту тоа дека веќе се договорени било какви персонални решенија и поделби на ресори. СДСМ им стои на располагање на медиумите, и очекува во духот на прифесионалното новинарство, за вакви прашања да побараат официјална потврда од партијата, или став, пред да биде објавена. На овој начин се пласираат неточни информации во јавноста, а граѓаните се доведуваат во заблуда“, се наведува во демантот. 

СДСМ навремено ги информира граѓаните и доколку има договор тоа јавно ќе го соопшти.

ТРИФУН КОСТОВСКИ НАЈАВИ ТУЖБИ

Сопственикот на Еуростандард банка Трифун Костовски за одземањето на дозволата од Народна банка смета дека е однапред  смислено сценарио и особено затоа што е донесено во време на паднемија со ковид, кога не е формирана Влада. 

Доколку се донесе одлука за отворање на стечај за банката, сопствениците ќе ја тужат државата и Народна банка пред меѓународни судови, а сите средства како што рекоа кои ќе ги добијат ќе ги наменат за да се раздолжат кон клиентите, граѓаните и фирмите депоненти, за кои изрази големо жалење што се најдоа во ваква ситуација. 

Вети дека сите средства ќе одат за нив. 

Не ја ставајте во овој вител министерката за финансии, Нина Ангеловска бидејќи таа е стар клиент на банката, рече сопственикот на Еуростандард банката, Трифун Костовски, на денешната прес - конференција на која ја обвини  Народна банка за смислено сценарио за стечај. 

Имало заинтересиран инвеститор за купување на Еуростандард банка, и за него само се знае дека е компанија формирана во Дубаи.

На денешнта прес конференција Трифун Костовски рече дека главниот виновник за тоа што банката западна во ваква тешка состојба, е поранешниот претседател на Управниот Одбор, Николче Петковски, кој долги години беше на кормилото на банката.

„Кога и после долго време ќе го прашав - каде се парите што пропаднаа, тој ми вели дека се во банката, но јас не можам да ги најдам тие пари во банката. Ги нема ниту на сметка во банката, ниту во трезор, ниту никаде. Не може да ги нема парите, а да не пропаднале“, обвини Костовски.

Сопственикот на Еуростандард банка, Трифун Костовски, вели дека не знае дали и какви интереси стојат зад ненадејната и за него шокантната и повеќе од избрзана одлука на Народна банка на Македонија да и ја одземе дозволата за работа на Еуростандард банка и за неа да побара стечај пред надлежниот суд.

И ДЕНЕС ПОВЕЌЕ ОЗДРАВЕНИ ОД ЗАБОЛЕНИ ОД КОРОНАВИРУСОТ

Министерството за здравство информира дека во последните 24 часа се направени 2172 тестирања, а регистрирани се 160 нови случаи на ковид-19 во: Скопје-38, Куманово-19, Дебар-1, Штип-10, Прилеп-4, Тетово-20, Струга-9, Велес-3, Битола-1, Охрид-4, Кавадарци-4, Гостивар-13, Струмица-2, Кочани-4, Пробиштип-1, Демир Хисар-3, Македонски Брод-2, Пехчево-2, Берово-2, Валандово-1, Виница-2, Делчево-1, Свети Николе-5, Кичево-8, Неготино-1.

Денеска Институтот за јавно здравје регистрира 368 оздравени пациенти од: Скопје-117, Куманово-34, Дебар-60, Штип-18, Прилеп-5, Тетово-32, Кавадарци-5, Гостивар-42, Гевгелија-2, Струмица-13, Крива Паланка-9, Радовиш-1, Крушево-1, Кочани-2, Пробиштип-3, Македонски Брод-1, Берово-1, Виница-1, Свети Николе-16, Кичево-1, Ресен-1, Неготино-3. 

Починати се три пациенти, два пациенти од Скопје (60г. и 72г.) и пациентка од Гостивар (53г.). Сите пациенти се починати во болнички услови. 

ЧИТАЈТЕ УШТЕ

Општеството, системот на вредности, традицијата, менталната матрица на една индивидуа се фактори кои влијаат на тоа децата доцна да заминуваат од домот на родителите.

За купување на Еуростандард банка бил заинтересиран сериозен инвеститор, дознава Фактор од банкарски кругови. 

Претседателот на Регулаторната комисија за енергетика и водни услуги на Република Северна Македонија Марко Бислимоски остварил телефонски разговор со Јанез Копач, директорот наСекретаријатот на Енергетската Заедница со седиште во Виена.

Еуростандардбанка не најде инвеститор на кој банката би се продала, а кој би бил реално и издржано решение за нејзина одржливост на долг рок.

До Јавното обвинителство денеска стигна владиното барање за кривичен прогон на фирмите кои зедоа државна помош, а не им ги исплатија платите на работниците за кои всушност ја зедоа помошта, потврдија за Фактор од Јавното обвинителство.

Можеби ќе ве интересира

Нова уредба за наставата во училиштата денеска на Влада

Нова уредба за наставата во училиштата денеска на Влада

Првиот човек на Заводот за статистика: Добиваме податоци кои се помали од реалната вредност затоа што нема попис

Првиот човек на Заводот за статистика: Добиваме податоци кои се помали од реалната вредност затоа што нема попис

Денеска ќе има и сонце, од утре пак повеќе облаци и дожд

Денеска ќе има и сонце, од утре пак повеќе облаци и дожд

Први рестрикиции би биле забрана на јавни собири: Филипче исклучува карантин во моментов

Први рестрикиции би биле забрана на јавни собири: Филипче исклучува карантин во моментов

Животот на Борче, живот ли е? Емотивна сторија за човекот кој има многу љубов

Животот на Борче, живот ли е? Емотивна сторија за човекот кој има многу љубов

Ново видео фрла сенка врз инцидентот во Битола: Полицаецот не нападнал прв?

Ново видео фрла сенка врз инцидентот во Битола: Полицаецот не нападнал прв?

Филипче жали за смртта на медицинската сестра: Изрази сочувство

Филипче жали за смртта на медицинската сестра: Изрази сочувство

Доктор нападнал колега во кумановската болница: Нападнатиот доктор избегал низ прозорецот!

Доктор нападнал колега во кумановската болница: Нападнатиот доктор избегал низ прозорецот!

Невреме со многу дожд беснее попладнево во земјава

Невреме со многу дожд беснее попладнево во земјава