ФАКТОР НА ДЕНОТ: Најавен е полициски час, денеска има нови 316 заразени со коронавирусот

МАКЕДОНИЈА Е ПРЕД ВОВЕДУВАЊЕ НА ПОЛИЦИСКИ ЧАС

Заострувањето на рестриктивните мерки е резултат на зголемувањето на бројот на новозаразените случаи, образложи денеска на прес-конференција министерот за здравство, Венко Филипче, кој истовремено потенцираше дека овој бран не е толку силен, во споредба со есента, односно во ноември.

-Евидентно беше во последните неколку недели зголемување на случаите. Ударот не е таков каков што беше на почетокот на ноември, но без разлика, сакаме да бидеме подготвени. Се покажа дека има собири после 22 часот, угостителски објекти кои не почитуваат мерки, собири на јавни места и затоа е оваа мерка. Сакаме да го ублажиме притисокот кон болниците во моментов, и затоа се овие мерки, рече Филипче.

ДЕНЕС ИМА НОВИ 316 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 1.562 тестирања, а регистрирани се 316 нови случаи на ковид-19 во:

Скопје – 164, Прилеп – 34, Куманово – 16, Кавадарци и Неготино – по 13, Тетово – 12, Гостивар – 10, Охрид – 9, Велес – 8, Гевгелија – 7, Штип – 6, Струмица, Струга и Кочани – по 5, Виница и Богданци – по 2, Кичево, Свети Николе, Крива Паланка, Делчево и Радовиш – по 1.

Регистрирани се 681 оздравени пациенти од:

Скопје – 271, Кавадарци – 85, Прилеп - 42, Охрид – 31, Неготино – 28, Тетово – 24, Куманово – 23, Велес – 22, Струмица – 18, Делчево – 17, Гевгелија – 14, Штип – 13, Валандово – 12, Крива Паланка – 11, Струга, Гостивар и Битола – по 10, Богданци – 7, Кичево – 5, Крушево и Свети Николе – по 4, Радовиш и Кратово – по 3, Дебар, Берово и Кочани – по 2, Ресен, Виница, Демир Капија и Македонски Брод - по 1.

ЗАЕВ ГО ЧЕСТИТАШЕ 8-МИ МАРТ И ПОБАРА ДА СЕ РАСЧИСТИ „ЈАВНА СОБА“

Премиерот Зоран Заев, честитајќи го празникот на жената - 8 Март, во своето видео-обраќање го повика Обвинителството да го расчисти случајот „Јавна соба“.

„Се придружувам во повикот Јавното обвинителство неодложно и темелно да го расчисти случајот „Јавна соба“, кој претставува кривично дело во кое огромен број жени се жртви на родово засновано насилство.  Немаме повеќе ни минута за губење. Жртвите мора да бидат заштитени.

СЕ ОДРЖА СУДЕЊЕ ЗА „ТОРТУРА“

Поранешниот шеф на тајната полиција Сашо Мијалков од затворот Шутка денес беше донесен во судницата за случајот „Тортура“, предметот отворен за бруталното апсење на Љубе Бошкоски, претседателот на „оБединети за Македонија“.

Мијалков е во притвор скоро десет дена, пренесува Алсат, а покрај него, како сведоци денеска во судницата се присутни и неговата сопруга и двајцата синови, пренесува Алсат.

ЧИТАЈТЕ УШТЕ

Воведување на целосна забрана за работа во недела со исклучок на дејностите кои се поименично наведени, не оди во полза ниту на економските субјекти, ниту на работниците, ниту на македонската економија како целина, и ќе предизвика сериозни негативни импликации, смета бизнис заедницата.

Повеќето Македонци се против вработување во приватен сектор по етнички клуч, а кај помалите етнички заедници мислењата се поделени. Некои се за, а други против. Едни мислат дека тоа ќе биде добро, други дека е штетно, и дека ќе придонесе квалитетните кадри уште помасовно да си заминуваат од Македонија.

Од аеродромот во Скопје, првите дози од руската вакцина Спутник V директно се пренесени во поликлиниката „Јане Сандански“ каде се ставени во специјален фрижидер кој одржува температура од -20 до -30 степени, изјави за Фактор директорот на Здравствен дом. Д-р. Виктор Исјановски.

Доколку ги затвориме во недела нашите шопинг центри, граѓаните од регионот ќе пазарат во тие во Косово и Србија, рече на денешната панел дискусија Игор Давков од Скопје Ист гејт, трговскиот центар кој е се уште во фаза на изградба.