ФАКТОР НА ДЕНОТ: Мијалков доби 12, Јакулоска 4 години затвор, се одржаа и насилни протести за „Монструм“

Добивај вести на Viber

ПРЕСУДИ ЗА „ТАРГЕТ - ТВРДИНА“

Сашо Мијалков е осуден првостепено на вкупна казна затвор од 12 години за случајот „Таргет тврдина“ за нелегално прислушкување.  На поранешниот шеф на тајната полиција му се засметува и времето поминато во притвор.

За останатите обвинети, Горан Грујевски доби казна затвор од 15 години, за Тони Јакимовски 6 години, на Гордана Јанкуловска и беше одредена затворска казна од 4  години, Никола Бошковски 15 години. Надица Николиќ доби три години, Владимир Варелов со две години условна казна. Силвана Златкова е осудена две години условно. Васил Исаковски е осуден условно исто така на две години. Валентина Симоновска е исто условно казнета со две години казна затвор.

СЕ ОДРЖАА НАСИЛНИ ПРОТЕСТИ ЗА „МОНСТРУМ“

Повредени се седум полицајци за време на денешниот протест по пресудите за случајот „Монструм“. Демонстрантите, кои тргнаа од парк Чаир преку Кривичниот суд до Влада, се судија со полицијата кај Бит пазар, фрлаа камења, при што седум полициски службеници се повредени, објави МИА. Нападната беше екипа на МИА. 

И ДЕНЕС НАД 500 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје во последните 24 часа се направени 3.477 тестирања, а регистрирани се 554 нови случаи на ковид-19 во:

Скопје – 258, Кавадарци – 51, Прилеп – 41, Куманово –25, Неготино – 22, Охрид – 18, Тетово – 16, Струга – 13, Гевгелија – 12, Битола – 11, Велес, Струмица и Крива Паланка – по 10, Штип - 8, Кичево -7, Гостивар и Валандово – по 6, Крушево и Богданци – по 5, Пробиштип и Демир Хисар – по 4, Кочани – 3, Делчево – 2, Свети Николе, Дебар, Берово, Виница, Кратово, Демир Капија и Пехчево – по 1.

Регистрирани се 210 оздравени пациенти од:

Скопје – 90, Прилеп –25, Кавадарци – 19, Неготино и Тетово – по 8, Куманово и Штип – по 7, Гостивар и Делчево – по 6, Гевгелија – 5, Битола и Велес – по 4,  Струмица, Крушево и Берово – по 3, Кочани, Свети Николе, Виница и Ресен – по 2, Охрид, Кратово, Пехчево и Дојран – по 1. 

КИНЕСКИТЕ ВАКЦИНИ МАЛКУ ЌЕ ДОЦНАТ

Пристигнувањето на кинеските вакцини во земјава можеби ќе се пролонгира. 

Министерот за здравство, Венко Филипче денеска изјави дека здравствениот систем добро се справува со пандемијата. Вели дека има зголемување на бројот на заболени и не можат да бидат сигурни дали тоа е моментално или високите бројки ќе продолжат. 

„Околу 70 отсто од новодијагностицираните се од британскиот вид на коронавирусот. Викендот ќе се анализираат ситуациите и ќе видиме дали ќе се препорачаат рестриктивни мерки. Што се однесува до пристигнувањето на кинеските вакцини, нивното доаѓање во Македонија може да се пролонгира за неколку денови“, вели Филипче.

ЧИТАЈТЕ УШТЕ

Во редакцијата на Фактор стигнаа поплаки од граѓани кои истакнуваат дека знаат многу свои колеги, пријатели, па и роднини кои во моментов се активни случаи, односно се позитивни на корона вирусот, имаат решенија за изолација, но едноставно не седат дома, како што е утврдено според сите протоколи, туку напротив, слободно си ги вршат сите обврски.

По три години компанијата „Феро инвест“ каде мнозински сопственик е поранешниот вицепремиер Кочо Анѓушев доби  јавен општински тендер. Потпиша договор и за 23,7 милиони денари треба да изгради мала хидроелектрична централа за ЈП Комуналец - Кавадарци. Договорот e објавен на 23 февруари на сисетомот на јавни набавки.

Вработените во Министерството за одбрана и во Армијата, становите во кои живеат, а и припаѓале на поранешната Југословенска Народна Армија, конечно ќе можат да си ги откупат, по цени кои ќе ги одреди АД за стопанисување со станбен и деловен простор.

Две одлуки кои станаа јавни денеска направија вистинска бура на домашниот банкарски пазар, но и на пазарот на капитал. Народната банка соопшти дека донела Одлука за привремено ограничување на распределбата и исплатата на дивиденда на акционерите на банките. 

Има можност Македонската банкарска асцијација да поднесе иницијатива до Уставниот суд за оценување на уставноста и законитоста на одлуката со која Народната банка времено им забрани на банките да делат дивиденда од остварената ланска добивка за која Централната банка извести утрово.

ЦКБ е банката што лани, во услови на корона – бизнис неприлики, ограничувања и неизвесности во економските текови, успеа да ја зголеми добивката за речиси двојно. Тајната е во значајно намалените трошоци за резервации паралелно со нула загуба за оштетувања на нефинансиски средства, а тоа во комбинација со солидно појачани приходи од провизии и надоместоци и нето приходи од камати одржани на ниво од претходната година

Професор Ѓорѓи Јота, специјалист по дигестивна хирургија е хоспитализиран на Клиниката за анестезија, реанимација и интензивно лекување и во моментов е во сериозна состојба, велат болнички извори за Фактор.