ФАКТОР НА ДЕНОТ: Kaрантинот ќе трaе 42 часа, а границите ќе се отворат идниот месец

Добивај вести на Viber

ВЛАДАТА ДОНЕСЕ ОДЛУКА ЗА ТРАЕЊЕТО НА КАРАНТИНОТ

Владата донесе одлука за карантинот за празникот. 

„Следејќи ја моменталната епидемиолошка состојба со КОВИД-19, како и препораките на Комисијата за заразни болести, на денешната владина седница донесовме одлука за зголемена рестрикција на движењето на граѓаните за време на претстојниот празничен викенд. Се забранува движењето на сите граѓани на целата територија на државата почнувајќи од недела, 24 мај, во 11:00 часот до вторник, 26 мај, до 05:00 часот. Во сабота, на 23 мај, забраната за движење останува иста како и за сите други денови, од 19:00 часот до 05:00 часот наутро“, информираат од Владата. 

На 24 мај се слави и денот на сесловенските просветители, Свети Кирил и Методиј. 

ФИЛИПЧЕ ДАДЕ ДЕТАЛИ ЗА ОТВОРАЊЕТО НА ГРАНИЦИТЕ

Границите треба да се отворат на еден синхронизиран начин со соседите, изјави министерот за здравство, Венко Филипче, во интервју на ТВ 24. 

Тој  рече дека кон средината на јуни целосно ќе се отворат македонските граници.

„Во Србија и Босна и Херцеговина изминатите денови има пораст на заразените. Ние разговаравме со Грција, разменивме искуства, каков е таму бројот на пациенти. Има некои отворени прашања кои се многу битни. Прво, дали ќе се бараат тестови кога границите целосно ќе бидат отворени, каков ќе биде третманот ако евентуално некој ќе се разболи таму од Ковид 19. Разговаравме да се олесни практично преминувањето на граничните премини, за да нема многу чекање…го чекаме официјалниот став на Грција во текот на идната недела. Мислам дека е прерано сега да ги отвориме границите“, изјави  Филипче за ТВ24.

ТЕТОВЕЦ ПОЧИНА ОД КОРОНАВИРУСОТ

Во изминатите 24 часа, се потврдени нови 23 случаи на новиот коронавирус, од кои најмногу се регистрирани во Скопје - 12 случаи во Скопје, по четири нови има во Куманово и во Тетово, два во Прилеп и еден случај во Неготино, информира Министерството за здравство.

Оттаму велат дека денеска во болницата „8-ми Септември“ во Скопје починал 47-годишен пациент од Тетово, кој има и други здравствени заболувања, односно хронии болести. Починал само еден ден откако бил  хоспитализиран, по што му бил направен корона тест кој покажал дека е позитивен.

СРБИЈА ГИ ОТВОРИ ГРАНИЦИТЕ

Србија од денеска ги отвори своите граници, но за сите патници, според одлуката на владата задолжителен е тестот за корона вирусот кој мора да биде негативен.  Во функција повторно е ставен и меѓународниот аеродром во Белград, „Никола Тесла“.

ЧИТАЈТЕ УШТЕ

Работи во сектор кој не е доволно развиен во земјава, но приказната на ПиКСЕЛ Груп поради тоа е инспиративна до срж.

Профитот на Винер Лајф лани е зголемен за 89 отсто, а добивката на Винер ВИГ Скопје компанијата за неживотно осигурување порасна за 11 отсто. 

Приказните за девалвација на денарот се целосно без основа и според економските индикатори стабилноста на денарот воопшто не е загрозена, се согласуваат двајца поранешни гувернери. 

Претходникот на Анита Ангеловска Бежоска – Димитар Богов и екс гувернерот Љубе Трпески во изјава за Фактор велат дека граѓаните треба да се мирни и дека нема ниту еден параметар кој укажува на пад на вредноста на денарот.

И покрај прилично поволните зимски температури во 2019, историската потрошувачка на природен гас на годишно ниво во Македонија е рекордна, иако национаната гасификација е далеку од завршена.