ФАКТОР НА ДЕНОТ: Kaфулињата почнаа со работа, а короната однесе жртва и меѓу здравствените работници

Добивај вести на Viber

КАФУЛИЊАТА ПОЧНАА СО РАБОТА

Од денеска работат угостителските објекти. Дел од граѓаните долго време го чека моментот да излезат и да се напијат кафе или да јадат во некои од омилените кафилиња или ресторани. 

Има посебен протокол според кој граѓаните може да седат во кафилињата, па еве како се организирал денеска престојот.

ДЕНЕС 38 НОВОЗАРАЗЕНИ

Според последните податоци што ги објави Институтот за јавно здравје, во земјава има нови 38 заразени пациенти, од кои само во Скопје 24.

- Скопје 24
- Куманово 4
- Штип 4
- Тетово 3
- Битола 1
- Неготино 2

Истовремено информираат дека во последните 24 часа починаа тројца пациенти, од кои двајца се од Тетово. На Клиниката за инфективни болести и фебрилни состојби почина 74 годишен пациент, лекуван на клиниката од 21 мај. Во ГОБ „8 септември“ почина пациент на возраст од 57 години, хоспитализиран на 23 мај. 

АКО НЕ СЕ ПОЧИТУВААТ МЕРКИТЕ МОЖНИ СЕ РЕСТРИКЦИИ

Министерот за здравство, Венко Филипче, утринава до јавноста упати видео порака во која вели дека по олабавувањето на рестриктивните мерки, се зависи од однесувањето на граѓаните и почитувањето на мерките, каква ќе биде понатамошната ситуација со епидемијата во земјава.

-Исправени сме пред два избора - да се навикнеме безусловно да ги почитуваме мерките за заштита на здравјето кои се предуслов за нормализирање на состојбата или со непочитување на мерките да ризикуваме повторно враќање назад кон рестрикции и остри мерки. Само заедно можеме да ја надминеме оваа состојба.

ХРВАТСКА, ЦРНА ГОРА И БиХ НЕМА ДА ПРИМААТ МАКЕДОНСКИ ГРАЃАНИ

Владата на Хрватска најави отворање на своите граници. Но, според изјавата на премиерот Андреј Пленковиќ, во Хрватска ќе може да допатуваат туристи од само 10 земји. На списокот не е и Македонија.

Вели дека согласно промени на состојбата со епидемијата во разни земји, ќе се менува и за сега утврдениот список на држави од каде Хрватска ќе прима туристи.

„Успеавме во првото полувреме да ја победиме епидемијата. Направивме план според кој би ја измениле одлуката за привремена забрана за поминување на граничните премини за државјани од низа земји за туризам. Тоа би се однесувало на Словенија, Унгарија, Австрија, Чешка, Словачка, Естонија, Летонија, Литванија, Полска и Германија“, наведе Пленковиќ.

ЧИТАЈТЕ УШТЕ

Во 2019 година драстично се зголемил бројот на разводи во однос на 2018 година.

Бројот на разводите во 2019 година бележи зголемување од 22.8 отсто во споредба со 2018 година и изнесува 1.990 разведени бракови. 

„Уготур“ е компанија чија дејност е подготовка и дистрибуција на храна за работничката менза на поранешниот гигант – скопската Железарница. 

Ревизорите само го потврдија она што јавноста веќе и го знае, а тоа е дека има многу неправилности во работењето државниот оператор за поштенски сообраќај.

Успеа ли Владата во намерата да ги изедначи домашните со странските инвеститори како што ветуваше кога го доби мандатот. 

Дали вториот бран на пандемијата ќе доведе до крај на човештвото? Не верувам во тоа. 

Јавното сообраќајно претпријатие соопшти дека од утре пензионерите ќе можат повторно да се возат бесплатно во градските автобуси.