ФАКТОР НА ДЕНОТ: Јовески ја суспендираше Русковска, а Муареми се повлече од директорското место во Финансиската полиција
Објавено во: Македонија 16 Август, 2022
ЈОВЕСКИ ЈА СУСПЕНДИРАШЕ РУСКОВСКА
Јавниот обвинител во земајва соопшти дека е поведена дисциплинска постапка за утврдување одговорност на тројца јавни обвинители.
- Во согласност со член 93 од Законот за јавното обвинителство, Јавниот обвинител на Република Северна Македонија денеска поднесе предлог за поведување дисциплинска постапка за утврдување одговорност на тројца јавни обвинители, за кои постои сомнение дека намерно и неоправдано направиле крупна професионална грешка со што сториле тешка дисциплинска повреда од член 91 алинеа 6 од Законот за јавното обвинителство - пишува во соопштението на ЈО.МУАРЕМИ СЕ ПОВЛЕЧЕ
Арафат Муареми повеќе нема да биде на чело на Финансиската полиција. Тој најави дека се повлекува од функцијата, со цел да нема сомнежи во јавноста дека врши притисоци врз обвинители.
Муареми информира дека по своја сопствена волја се повлекува од функцијата в.д директор на Управата за финансиска полиција, имајќи ја предвид одлуката на Јавниот обвинител Љубомир Јовески да поведе постапки за утврдување дисциплинска одговорност за сите три јавни обвинителки и да ја суспендира Вилма Русковска од функцијата основен јавен обвинител на Основното јавно обвинителство за гонење на организиран криминал и корупција поради незаконитото постапување и злоупотребата на службената положба и овластување.ОЈО ОТВОРИ ПРЕДМЕТИ ЗА ДВЕТЕ БУГАРСКИ ЗДРУЖЕНИЈА
Основното јавно обвинителство Охрид денеска по допрен глас оформи предмет за да ги испита наводите за евентуални пропусти при регистрацијата на Здружението на граѓани „Цар Борис Трети“ – Охрид.
Издадена е наредба до Централниот регистар за обезбедување на целокупната документација поврзана со регистрацијата на наведеното здружение.
Инаку од мај годинава по поднесена кривична пријава од една политичка партија, оформен е предмет и во Основното јавно обвинителство Битола кој се однесува на регистрацијата и функционирањето на Културниот центар „Иван (Ванчо) Михајлов“.НЕВРЕМЕ ГО ЗАФАТИ НЕГОТИНО
Поплавени улици, искорнати дрвја, скршени гранки има во Неготино, по невремето кое денеска го зафати градот.
Има оштетени автомобили, но дојде и до прелевање на шахтите. Имало и оштетувања на покриви. Засега нема информации за поплавени домови и други објекти. Претходно, метеоролозите најавија дека е можно да има невреме, а од утре се очекува топло време.МАКЕДОНИЈА ЌЕ ШТЕДИ
Сите јавни институции се должни да го исклучат декоративното осветлување. Да не се користи осветлување во период кога има доволно светло. Климатизерите не смеат да ладат под 27 степени, а просториите не смеат да се греат на температура над 20 степени во ладните месеци. Ова се дел од мерките кои јавните институции ќе треба да ги применуваат за намалување на потрошувачката на енергија како што најави Министерот за економија Крешник Бектеши.ЧИТАЈТЕ УШТЕ
Можеби ќе ве интересира
ФАКТОР НА ДЕНОТ: Почна кампањата за парламентарните избори, ветувања за подобар живот за граѓаните
ВАНКОВСКА: Ќе се заложам за намалување на воениот буџет
СТО НАЈВЛИЈАТЕЛНИ ЛИЧНОСТИ ВО СВЕТОТ СПОРЕД „ТАЈМ“: На листата се најде Македонката Светлана Мојсов
МИНИСТЕРСТВО ЗА ЗДРАВСТВО ДО СПЕЦИЈАЛИЗАНТИТЕ: Решение ќе има после изборите
КОВАЧЕВСКИ ЗА ИЗЈАВАТА НА ОСМАНИ ЗА ОТВОРЕН БАЛКАН: Политичарите како во избори, даваат изјави што треба, што не треба
Доживотен затвор за убиената жена во Кочани со 40 убоди со нож
ДУИ на симулирана седница ги избра Бујар и Села за претседатели и направи уставни измени
СОНК: Иако е период на избори, најверојатно ќе почне генерален штрајк во установите од културата
ГЕСТ ЗА ПРИМЕР И ПОЧИТ! Која фирма за свои сограѓани од Свети Николе ќе даде над 250.000 евра?
