ФАКТОР НА ДЕНОТ: Историски ден за Македонија, извршена трансплантација на срце од починат донор

Добивај вести на Viber

ЗА ПРВ ПАТ Е ИЗВРШЕНА ТРАНСПЛАНТАЦИЈА НА СРЦЕ ОД ПОЧИНАТ ДОНОР

Министерот за здравство, Венко Филипче денеска на прес - конференција изјави дека е испишана историја затоа што за прв пат во земјава е трансплантирано срце од починат дарител. 

Вели дека ова го прави многу горд, и ова е чин на човекољубие. 

Тој се надева дека ова ќе биде добар пример за во иднина. 

„Здравјето на граѓаните е на прво место“, вели Филипче, и додаде дека тројца лекари ги обединиле знаењата за да се случи оваа интервенција. 

Професор доктор Сашко Јовев вели дека трансплантацијата била круна на кардиохирургијата. 

„Покажавме дека заедно сме појаки и можеме многу. Пациентот е добар, се надеваме дека ќе биде добар“, рече тој. 

Јовев се надева дека ќе имаме што повеќе донори. 

Доцент доктор Маја Мојсова вели дека ова немаше да биде успешно, доколку семејството не ги донирало органите. 

Во Македонија е извршена првата трансплантација на срце.

Емилија Динева од Дојран е донорот на органите, со кои денес се изврши трансплантација на срце. 

УШТЕ ЕДЕН СМРТЕН СЛУЧАЈ ОД КОРОНАВИРУСОТ

За 24 часа направени се 744 тестирања за коронавирус, а регистрирани се 20 нови случаи, од кои 16 се во Скопје, и по два во Куманово и Прилеп.

Од Министерството за здравство информираат дека во болницата „8 септември“ починал 63-годишен пациент од Скопје, примен на болничко лекување на 6 мај како сомнителен на Ковид-19, а како позитивен бил потврден  ден подоцна.

УТРЕ ПОЧНУВА КАРАНТИНОТ

Скратениот празничен карантин почнува утре во 11 часот и ќе трае се до вторник до 5 часот наутро. 

Граѓаните ќе ги прославуваат Рамазан Бајрам и Денот на сесловенските просветители, Свети Кирил и Методиј. 

Денеска движењето за граѓаните ќе биде ограничено како и во работните денови - од 19 до 5 часот наредниот ден.