ФАКТОР НА ДЕНОТ: Гласаа заболените и луѓето во самоизолација, а денес има 88 нови инфицирани

Добивај вести на Viber

ДЕНЕСКА СЕ ГЛАСАШЕ

340 луѓе кои се во самоизолација гласаа денеска до 15 часот. 

Започна тридневното гласање за десеттите по ред парламентарни избори кое ќе заврши во среда. 

Први кои денеска го остваруваат своето право на глас се болните од Ковид-19 и граѓаните што се наоѓаат во самоизолација. 

НОВИ 88 ЗАРАЗЕНИ ЗА 24 ЧАСА

Во последните 24 часа се направени 973 тестирања, а регистрирани се 88 нови случаи на ковид-19 во, напиша министерот Венко Филипче.

-Скопје 30
-Куманово 8
-Дебар 1
-Штип 13
-Прилеп 5
-Тетово 3
-Струга 11
-Велес 1
-Битола 1
-Охрид 2
-Кавадарци 1
-Гостивар 1
-Пробиштип 1
-Кратово 1
-Свети Николе 1
-Кичево 8

Починати се три лица, двајца пациенти од Скопје и еден од Штип.

Денеска Институтот за јавно здравје регистрира 123 оздравени лица од:

-Скопје 70
-Штип 6
-Прилеп 4
-Тетово 31
-Велес 3
-Кочани 2
-Пробиштип 1
-Кичево 1
-Ресен 4
-Неготино 1

Стапката на заразени денеска се симна под 10, и таа изнесува 9,4 проценти, или конкретно, 9,37 отсто. 

AНГЕЛА ДОБИ 19 ГОДИНИ ЗАТВОР ЗА УБИСТВОТО НА ПИНО

Ангела Ѓорѓиевска доби 19 години затворска казна за убиството на 26 годишниот Пинета Секондо - Пино, кој беше убиен под контроверзни услови и неговото тело беше пронајдено дури по реакцијата на неговата мајка и притисокот од јавноста.

УТВРДЕНО КАКО ЌЕ РАБОТАТ КАФУЛИЊАТА, БАЗЕНИТЕ, ПЛАЖИТЕ

Веќе нема да има ограничувања за угостителските објекти. 

На  76-та седница на Владата донесени се протоколите за работата на базените и плажите. 

Владата на денешната 76-та седница ги усвои протоколите што ги предложи Комисијата за заразни болести. 

„Согласно Протоколот за работата на плажите во тек на пандемија со КОВИД-19, освен задолжителното почитување на основните превентивни мерки за носење лична заштитна опрема на лицето, за физичка дистанца од 1,5 - 2 метри, често миење на рацете со вода и сапун, и редовно чистење и дезинфекција на околината на плажите, задолжително е точното и видливо информирање на посетителите со информативно - едукативен материјал за посетителите во однос на почитување на основните превентивни мерки и начинот на однесување, како и со гласовно информирање за придржување кон препораките“, информираат од Владата.

ВО КОСОВО САМО СО НЕГАТИВЕН ТЕСТ

Македонските граѓани во Косово ќе можат да патуваат со негативен корона тест. 

Граѓаните на Македонија, БиХ и Црна Гора од утре ќе треба да достават негативен ПЦР-тест, и тоа само доколку имаат дозвола за престој или имаат закажано лекување на Косово, објавија косовските медиуми.

ЧИТАЈТЕ УШТЕ

Во селото Стојаково во Општина Богданци од година во година има сѐ поголем број на штркови гнезда и тоа ги привлекуваше туристите од Србија кои обично патуваа кон Грција пред да земe замав корона кризата.

Изборната кампања помина во многу негативна атмосфера, со постојани ниски удари, како и рекордно објавување на нелегални и прислушувани разговори. 

“ДЕНЕС РОМИТЕ СЕ ЖРТВИ НА ЛЕВИЈАТАН, УТРЕ ЌЕ СЕ НАЈДЕ НЕКОЈА ДРУГА ЖРТВА, А ПОТОА ОПШТЕСТВОТО И ДРЖАВАТА ЌЕ СТАНАТ ЖРТВИ. ДА НЕ ОДАМ ПРЕДАЛЕКУ ПОТСЕТУВАЈЌИ КАКО НАЦИСТИТЕ И ХИТЛЕР ПОЧНАА, СПОМЕНУВАЈЌИ ДЕКА ТАКА САЛВИНИ ЗАПОЧНА ВО ИТАЛИЈА”

„Макошпед“ плати 860.000 евра за да купи фирма која нема никаков бизнис освен тоа што поседува речиси 7 отсто од акциите во „Фершпед“. 

Епидемијата на корона вирусот во земјава не стивнува. Само за последните три дена во земјава се регистрирани 540 новозараени граѓани со Ковид-19, додека 409 болнички кревети се зафатени со болни пациенти на кои им е неопходна хоспитализација. 

Кризата која ја предизвика пандемијата на Кoвид-19 се одрази и на работaта на финансиските друштва – тие кои на граѓаните им даваат кредити за покривање на секојдневните итни потреби или таканаречените „брзи“ кредити.

Откако во изминатово деноноќие се случи да починат исто така двајца млади пациенти, на возраст од 42 и 46 години, Фактор се интересираше која е причината за тоа, односно дали овие болни имале и други коморбидитети, што било причина за тие да не можат да се изборат со компликациите од вирусот.

Повеќе од 50 вработени во пет штипски конфекции се позитивни на корона вирусот. Постои нова опасност Ковид-19 да се рашири меѓу работниците, бидејќи станува збор за околу 1000 луѓе од петте фабрики.

Угостителски објект - пицерија е отворен викендов на Голден бич во Охрид на кој присуствувале доста гости, а пеела позната македонска пеачка.