28 Март, 2024
0.0257

„Фактор“ изнесува факти, Штериев промовира инсинуации

Објавено во: Економија 18 Октомври, 2019

Добивај вести на Viber

Од почетокот на своето основање па досега, „Фактор“  во најмалку илјада текстови и анализи го третира и опсервира тргувањето со акции на Македонската берза. Секогаш тоа го правел со објективно прикажување на фактите и нивна обработка и ставање во конктекст со цел давање објективни информации за читателите. За тоа „Фактор“ е препознатлив кај македонската публика како релевантен извор на информации кои ги генерира тргувањето со хартии од вредност и работата на берзата. И во последнитот текст на „Фактор“ , кој повторно не му се допадна на Штериев  беа изнесени факти кои се поврзани со работењето на Македонската берза. А фактите се јасни, тие покажуваат дека берзата т.е. нејзиното раководство го прекршило член 166 б од Законот за хартии од вредност. Тука нема тенденциозност. Работата на новинарите е да изнесуваат факти, а не да премолчуваат. И никој не треба да се лути. Најмалку тој што згрешил. А никако пак грешникот смее да квалификува медиуми. За квалификациите кои Иван Штериев, главниот извршен директор на берзата ги изнесе кон „Фактор“ и за неговото непознавање на новинарските стандарди и правила доби осуда и од Здружението на новинари на Македонија (ЗНМ). Впрочем , „Фактор“ не напиша дека располага со ексклузивни информации, туку напиша дека тие се јавно достапни. Ова е само уште една од лепезата на инсинуации на Шетриев , кои беа осудени од Здружението на новинари.

И КХВ во нивниот одговор на прашањето на „Фактор“ потврди дека берзата го прекршила ЗХВ, но прекршочни постапки се поведени само за оние кои не ги исправиле пропустите.

„Комисијата одлучи да заземе нов пристап  и  да не поведе постапка пред прекршочниот орган, но само за оние  друштва  кои ќе ја отстранат утврдената неправилност по приемот на записникот од КХВ. Во оваа група во 2018 година влегоа вкупно 151 компанија. Имаше и друштва кои ги објавија податоците и документите  уште пред  да им биде доставен  записник од КХВ, меѓу кои е и Македонска берза АД Скопје, одговорија од КХВ.

Господине Штериев, „Фактор“ во континуитет бил, е и ќе биде медиум што ја актуелизира работата на берзата и тргувањето со хартии од вредност. И во моментите кога многумина заборавија дека берза постои, „Фактор“, благодарејќи на своето работење и континуитет е препознаен како релевантен извор на информации и публиката му верува. Проверете и направете истражување на јавното мислење за вашето работење и за тоа каде инвеститорите се информираат и дали му веруваат на „Фактор“. Најблаго речено неумесно и несериозно е да давате негативни квалификации без аргументи, за медиум кој во најголема мера е посетуван токму од вашите клиенти.

Ние повеќе нема да одговараме на вашите обвинувања и квалификации и нема да го спуштаме нивото на комуникација на кое вие очигледно сте решени да го допрете. А ќе продолжиме со иста ревност, преданост и професионалност да го следиме и да известуваме за случувањата со тргувањето. Не го трошете времето со нас и работете ја вашата работа: создавајте материјал за тргување, обидете се со позитивна кампања, со визибилност во медиумите да извлечете макар делче од милијардите евра орочени и депонирани во банките и потрудете се со нив да се тргува на берзата. Обидете се да предомислите макар еден од десет инвеститори кој вложува во стан. Убедете го дека инвестирањето на пазарот на капитал може да биде поисплатлив бизнис од инвестирањето во недвижности . Обидете се да ги убедите луѓето што заработуваат и штедат дека берзата е место каде треба да вложуваат. Дека тоа не е рулет, коцкарница ниту пак е елитен клуб на новосоздадената буржоазија. Убедувајте ги друштвата со удели да се трансформираат во АД-, а акционерските друштва да се финансираат преку корпоративни обврзници и нови емисии на акции. Потрудете се  пазарот на капитал да биде поликвиден и интересен за институциналните домашни и странски инвеститори. Излезете од комфорната зона, пресметана во висината на вашата плата, наспроти добивката на компанијата чии прв човек сте. Направете исчекор и не се лутете туку надминете го и променете го начинот на кој комуницирате со котирани друштва за ценовно чувствителни информации. А начинот на комуникација , ај да не речеме дека е банален, но тривијален е!

И покрај вашиот очигледен антагонизам, „Фактор“ секогаш ќе ве поддржува, вие  само храбро работете ја вашата работа. Затоа што за „Фактор“ не е битно кој е директор на  берзата, туку дали таа институција и нејзиниот прв човек ревносно си ја врши работата за која е избран. Силниот фокус што го имаме кон пазарот на капитал е токму поради  одговорноста која ја имаме кон нашите читатели кои во голем дел се и учесници на истиот пазар. Како што и досега сме покажале, ние  сме медиум што во континуитет пишува за тргувањето со харти од вредност и тоа ќе го правиме и во иднина, без оглед на фактот дали тоа му се допаѓало на Шетриев или не.


Р.Ф.

Можеби ќе ве интересира

Новите газди го вратија стариот сјај! Како „Скопски пазар“ ќе направи над 10 милиони евра приходи?

Новите газди го вратија стариот сјај! Како „Скопски пазар“ ќе направи над 10 милиони евра приходи?

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ВЛЕГЛЕ ВО КАНЦЕЛАРИЈАТА НА GOOGLE ВРЕДНА ДВЕ МИЛИЈАРДИ ДОЛАРИ - „баш е таква каква што ја замислувавме, право одморалиште“

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

ЦЕНТРАЛНОЕВРОПСКИ ДОГОВОР ЗА СЛОБОДНА ТРГОВИЈА - ДОПОЛНИТЕЛЕН ПРОТОКОЛ 6 - еве кои се предностите

Битиќи: Во 2025 работна недела од 7 часа дневно во одредени сектори

Битиќи: Во 2025 работна недела од 7 часа дневно во одредени сектори

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

МАКЕДОНСКИТЕ ЧОКОЛАДИ САМО МАЛКУ ПОВКУСНИ ЗА СТРАНЦИТЕ - како „Европа“ профитираше со 600 илјади евра и дали е тоа добар резултат

Просечна плата во АЕК надминува 1.000 евра

Просечна плата во АЕК надминува 1.000 евра

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

НИНГБО – СТОТИЦИ ИЛЈАДИ КОНТЕЈНЕРИ, СТОТИЦИ ИЛЈАДИ ТОНИ СТОКА: Оттука па низ целиот свет, вака се поврзува Кина

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

КАКАОТО СЕ ПРЕТВОРИ ВО НАЈСЈАЈНА ЅВЕЗДА НА ПАЗАРОТ - на берзите се плаќа речиси по 10.000 долари за тон

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“

ВОЛВО СТАВА КРАЈ НА ЕДНА ДОЛГА ИСТОРИЈА - им кажаа збогум на „дизелашите“