03 Август, 2021
0.0214

Европа се обидува да ги забрза своите вложувања во водород, 5G и блокчејн

Објавено во: Мои пари 15 Јуни, 2021

Европа бара побрзо воведување на иновативни проекти во неколку земји, кои ќе помогнат во борбата на регионот против климатските промени и ќе ја забрзаат дигиталната трансформација.

Регулаторното тело на Европската унија разгледува алатки за зајакнување на прекуграничните иницијативи во областите како што се водород, одржлив транспорт, 5G коридори и блокчејн, според нацртот на индустриската стратегија, што го објави Bloomberg News. Бројните држави членки веќе ги најавија плановите за здружување на силите во рамките на пакетот на економско опоравување на ЕУ, наведува Европската комисија во објавениот документ.

„Комисијата ги проценува опциите за ефикасен механизам за забрзување на имплементацијата на таквите проекти во повеќе држави, овозможувајќи ја посебно можната комбинација на финансирање на земјите-членки и ЕУ“, се вели во документот. „Спроведувањето на правилата за конкуренција, посебно правилата за државна помош, ќе обезбеди дека јавните средства за опоравување не ги заменуваат, туку ги активираат дополнителни приватни инвестиции“.

ЕУ од зеленото и дигиталното создаде два столба на својот план за закрепнување, со цел да го зајакне своето лидерство во глобалната борба против климатските промени, да ги поттикне иновациите и да ја намали зависноста од увоз на критичните материјали.

Унијата може да помогне во забрзување на големите прекугранични проекти преку поедноставување на постапките за издавање дозволи, помагање на истражувањата и поттикнување на приватните инвестиции. Во рамките на својот водечки мулти-државен проект за батерии, повеќе од десетина земји добија зелено светло да дадат најмалку 6,1 милијарди евра (7,35 милијарди долари) јавна помош за компаниите од Tesla Inc. до Bayerische Motoren Werke AG.

Нацртот на ревидираната индустриска стратегија ги предвидува следните чекори за забрзување на зелената иницијатива во следните месеци:

- Обновена стратегија за одржливо финансирање и нацрт-закон за одржливо корпоративно управување.

- Предлог да се наметне цена на јаглерод на увоз на стоки со интензивна емисија преку таканаречениот механизам за прилагодување на границата со јаглерод.

- Предлог за европски пристап на јаглеродните договори за разлика како дел од планираната ревизија на системот за тргување со емисии на ЕУ.

- Мерки за поддршка на прифаќање на корпоративните договори за набавка на енергија од обновливи извори.

ПР објава

Можеби ќе ве интересира

Македонски Телеком со раст во првото полугодие и континуирана модернизација на мрежата

Македонски Телеком со раст во првото полугодие и континуирана модернизација на мрежата

Oкта има позитивни оперативни резултати и висока профитабилност во услови на континуиран раст на меѓународните цени на горивата

Oкта има позитивни оперативни резултати и висока профитабилност во услови на континуиран раст на меѓународните цени на горивата

ИутеКредит Македонија со поддршка за младиот математичар Дамјан Давков

ИутеКредит Македонија со поддршка за младиот математичар Дамјан Давков

Животното осигурување – вистински мудра одлука

Животното осигурување – вистински мудра одлука

Галичник Филм Фестивал – свој на своето!

Галичник Филм Фестивал – свој на своето!

Француски Orange ќе ја промовира 5G опремата на Huawei во Африка

Француски Orange ќе ја промовира 5G опремата на Huawei во Африка

Кире и Едина советуваат – Како во летните горештини?

Кире и Едина советуваат – Како во летните горештини?

Го тестиравме Huawei Watch 3 Pro - Турбо смарт часовник, со мега батерија, идеален за летна авантура и навремени нотификации

Го тестиравме Huawei Watch 3 Pro - Турбо смарт часовник, со мега батерија, идеален за летна авантура и навремени нотификации

Награда за „Врба“ во Њујорк

Награда за „Врба“ во Њујорк