ЕВРООБРЗНИЦАТА ЌЕ СПАСУВА: Кризата креираше буџетски дефицит од 197 милиони евра до април
Објавено во: Економија 31 Мај, 2020
Нешто над 197 милиони евра е буџетскиот дефицит што е генериран во буџетот до април годинава, покажуваат податоците за реализација на буџетот заклучно со овој месец. Оваа сума е дури 70 отсто од буџетскиот дефицит кој беше планиран со креирањето на буџетот за годинава. Сепак со ребалансот кој Владата го усвои месецов буџетскиот дефицит е зголемен значајно, односно за дури 470 милиони евра. Поради корекцијата, до април практично реализиран е само околу 27 проценти од буџетскиот минус за годинава.
Имено Владата планира со ребалансот буџетскиот дефицит да биде над 750 милиони евра годинава. Пред кризата односно кога го планираше буџетот лани, имаше испланирано дефицит од 283 милиони евра.
Буџетскиот дефицит Владата ќе го финансира со заеми, а Министерството за финансии веќе издаде еврообврзница вредна 700 милиони евра, но позајми и други пари.
А.Т.