ЕМА во Москва прави проценка и контрола на вакцината Спутник V
Објавено во: Свет 13 Април, 2021
Експертите од
Европската агенција за лекови (ЕМА) престојуваат во Москва за да ја проценат
вакцината Спутник V против Ковид-19, објавија денес руските медиуми,
наведувајќи дека претставниците на ЕМА ќе ги посетат и производствените
капацитети.
Претставници на европското регулаторно тело, кое ја започна постапката за анализа на руската вакцина на почетокот на март, посетија две клиники каде се спроведува третата клучна фаза од клиничките испитувања на вакцината и разговараа со медицинскиот персонал, објави Интерфакс, повикувајќи се на неименувани извори .
-Можеме да кажеме дека е во тек конструктивен дијалог“, изјави извор за Интерфакс за посетата на експертите на ЕМА, што е дел од процесот на анализа и проценка на ефикасноста на вакцината Спутник V.
Европската агенција ЕМА сè уште не даде зелено светло за Спутник V, иако Унгарија, како членка на ЕУ, ја одобри руската вакцина на национално ниво по кратка постапка, а во меѓувреме неколку земји на ЕУ покажаа интерес за договор со Русија на вакцината.