27 Октомври, 2021
0.0206

Експресниот пат Штип - Радовиш единствена светла точка, за поврзувањето со Бугарија само 500 илјади евра

Објавено во: Економија 14 Септември, 2021

Инвестициите од странски кредитирања за подобрување на македонската патна инфраструктура се преполовиле во 2020, покажува извештајот за работата на Јавното претпријатие за државни патишта.

Било планирано да се позајмат 150 милиони евра минатата година, но на крајот се потрошиле само 70 милиони. За споредба, во 2019 биле потрошени 130 милиони евра за автопати, регионални патишта и патарини.

Голем пат бележи финансирањето од Светска банка на експресниот пат Ранковце - Крива Паланка, но за таму од ЈПДП велат дека постојат објективни причини како недостатоци во проектирањето, археолошките наоѓалишта и дислокација на електрична мрежа.

Единствено со добра динамика се реализирале заемите од Европската банка за обнова и развој. За експресниот пат Штип - Радовиш биле потрошени 15 милиони евра, или повеќе од два милиони од предвиденото. Тоа резултираше со негово пуштање во употреба годинава со должина од 23,56 километри од клучката Штип-југ до Бучим. Оваа прва фаза беше завршена пред предвидениот рок, во услови на пандемија. 

Патот се градеше три години, а премиерот Зоран Заев за него рече дека во последните триесет години тој е единствениот завршен пред предвидениот рок во Македонија. За останатите магистрални патишта банката понудила повеќе од 40 милиони евра, но сме потрошиле само околу 22 милиони.

Ниту поврзувањето со Бугарија не одело со предвидената динамика.За патот Крива Паланка - Деве Баир биле потрошени само 500.000 евра иако требало 4 милиони евра. Една година претходно барем се потрошиле 1,5 милиони.

Воведувањето на електронски систем за наплата на патарините стагнирал, а единствено со околу милион и пол евра се изградила наплатната станица кај Демир Капија. Биле предвидени и 200 милиони денари за обновување на патарините на Коридорот 8 но не се потрошиле.

Кредитирањето на кинеската Ексим Банка за автопатот Охрид - Кичево е приказна сама за себе. Било планирано да се потрошат годината 75 милиони евра, но реализацијата била само 23 милиони. Тоа е речиси двојно помалку од 2019-та.

А.К.

Можеби ќе ве интересира

Историски ден за македонскиот стартап екосистем, eве зошто

Историски ден за македонскиот стартап екосистем, eве зошто

Заев објасни дали ќе имаме зголемена инфлација и енергетски ценовен шок

Заев објасни дали ќе имаме зголемена инфлација и енергетски ценовен шок

Мицкоски: Ќе се вратиме 40-50 години наназад кога домаќинствата се соочуваа со недостаток на електрична енергија

Мицкоски: Ќе се вратиме 40-50 години наназад кога домаќинствата се соочуваа со недостаток на електрична енергија

Растат платите во Србија, просечната се искачи на 550 евра

Растат платите во Србија, просечната се искачи на 550 евра

Заев вели дека и во време на пандемија се зголемуваат платите, а тоа е реткост во Европа

Заев вели дека и во време на пандемија се зголемуваат платите, а тоа е реткост во Европа

НАЈЧЕВСКА ПРАШУВА: Зошто во земјава не се стимулира ставање панели на секоја куќа и кому му одговара да останеме енергетски зависни

НАЈЧЕВСКА ПРАШУВА: Зошто во земјава не се стимулира ставање панели на секоја куќа и кому му одговара да останеме енергетски зависни

БЕКТЕШИ: Убеден сум дека ниту по први јануари нема да има големи ценовни шокови кај електричната енергија

БЕКТЕШИ: Убеден сум дека ниту по први јануари нема да има големи ценовни шокови кај електричната енергија

На Балканот и натаму се градат нуклеарни централи, Македонија нема стратешка резерва

На Балканот и натаму се градат нуклеарни централи, Македонија нема стратешка резерва

Скопска фирма со еден вработен направи пола милион евра профит!

Скопска фирма со еден вработен направи пола милион евра профит!