Eксперти открија што имало во пристаништето во Бејрут
Објавено во: Свет 11 Август, 2020
Експерти објавија дека во бејрутското пристаниште има уште најмалку 20 контејнери со опасни хемикалии.
Експертите соработуваат со либанските пожарникари за да ги обезбедат сите контејнери и да ја анализираат нивната содржина.
Некои контејнери напукнале во експлозијата која на 4 август го стресе пристаништето и Бејрут, рече поручникот Антони, француски хемиски експерт кој нема овластување да го каже целото име во согласност со политиката на владата.
Француските и италијанските хемиски експерти досега идентификувале повеќе од 20 контејнери со опасни хемикалии, кажа Антони.
„Забележавме контејнери со ознака за хемиска опасност и потоа видовме дека еден од нив протекува“, изјави тој за Асошиејтед прес.
Антони не кажа за какви хемикалии станува збор, ниту изнесе повеќе детали.
Владата во Либан си поднесе оставка.