ЕДЕН МЕСЕЦ КАКО ЈА НЕМА - мистеријата продолжува, по Марија уште се трага

Добивај вести на Viber

Утре ќе се наврши точно еден месец како нема ни трага ни глас од малдата Марија Брзакова од струмичкото село Босилово. 

Фактор се интересирапе дали од Обвинителството, односно конкретно во струмичкото обвинителство, има некакви нови моменти околу Марија, но оттаму велат дека нема ништо ново. А кога ќе имаат било какви информации, за тоа ќе ја известат јавноста.

„Се преземаат сите дејствија и се уште се врши потрага по лицето“, велат од Обвинителството.

Во меѓувреме се шират и бројни шпекулации околу Марија, што е и лочично за еден вака мистериозен случај. Една од нив беше дека Марија можеби ја напуштила земјава, иако тоа е многу тешко веројатно, бидејќи како што кажаа нејзините најблиски, таа кога заминала, кај себе немала лични документи. 

Но од Обвинителството не кажуваат ништо ниту околу оваа, ниту околу било која друга гласина што се појавува за Марија. 

„Се прават сите проверки, се трага во сите насоки, но ништо такво досега не е утврдено“, велат од Обвинителството. 

Пред околу десетина дена Министерството за внатрешни работи ја стави Марија Брзакова на списокот на исчезнати лица. 

Објавена беше и нејзина фотографија која треба да им помогне на граѓаните, доколку го лоцираат лицето, сите информации што ги имаат за него, или да ги достават до најблиската полициска станица, или да се јават на дежурниот број на МВР.

Марија Брзакова од Босилово, која е родена во 1991 година, исчезна на 18 јануари, и оттогаш и се губи секаква трага.

МВР долго трагаше по Марија, а во потрагата се вклучија и специјални тимови, па дури и граѓани доброволци, кои ја бараа дури до бугарската граница, но безуспешно. 

Дел од шпекулацииите што се појавија во јавноста во отсуство на официјални информации, се дека младата Марија била бремена во вториот месец, како и дека додека живеела во Швајцарија, се до септември минатата година, имала семејни проблеми. 

Во меѓувреме, Марија се бара и преку групи на социјалните мрежи, кои бројат поголем број членови. Се споделуваат фотографии од младата жена и мајка на малолетно дете, а граѓаните се молат за било какви информации да се јават или во МВР, или на телефонскиот број кој е оставен за контакт.