ЏЕК МА КОЈ ИМА ПАРИ ЗА УШТЕ 10 ЖИВОТИ: Работното време од 12 часа е благослов!
Објавено во: Финансии 16 Април, 2019
Додека во скандинавските земји се разгледува намалувањето на бројот на работни часови, кинескиот милијардер Џек Ма, смета дека најидеално е работното време од 12 часа. Откако претрпе критики, тој потврди дека и понатаму смета дека 12 часа работа шест денови неделно се рецепт за успех.
Кинескиот милијардер и коосновач на гигантот Алибаба тврди дека е најдобро да работите секој ден од 9 утрото до 9 вечерта. За чудо, еден ден дозволува да се потроши на одмор. Се работи за системот 996 за кој доста се зборува во Кина, бидејќи многумина сметаат дека без работа од 9 до 9, 6 дена неделно оваа земја не би напредувала толку брзо. Џек Ма е еден од луѓето кои го делат ова мислење.
Неговото мислење го дели уште еден кинески милијардер Ричард Лиу, кој е сопственик на порталот jd.com. И додека Ма 996 системот го нарекува „благослов“, Лиу смета дека растот на кинеската економија зависи од бројот на работохолици.
Кој не би сакал работно време од 12 часа?
Имено, Кина доживеала огромен економски раст од крајот на 70-тите до средината на 2000 тите години. Растот бил просечно 10% за да во последните години доживее забавување на 6%. Тоа веројатно е резултат на промената во начинот на живот каде Кинезите повеќе не сакаат да работат по цел ден за компанијата.
Џек Ма може да каже дека нему би му се исплатило да има работно време до 12 часа, бидејќи може да оди во (богаташка) пензија, како што најави неодамна. Неговата компанија моментално вреди околу 490 милијарди долари, додека богатството на Ма се проценува на 40 милијарди.
Дали навистина вредело да си го жртвува животот за да има пари кои не може да ги потроши за уште 10 животи? Од друга страна, многумина и понатаму работат по системот 996, иако никогаш нема да бидат ни приближно богати како тој.
foto: NDTV.com
Можеби ќе ве интересира
ВТОР МЕСЕЦ ПО РЕД ПАЃААТ - проесечната нето плата 39.276 денари, еве во кои сектори има најголемо намалување
АКО ВЕЌЕ „ГЛАВАМ“ ВО БАНКА, БАРЕМ НЕКА БИДЕ ЗА ДА СИ КУПАМ СТАН - голем пораст на станбените кредити, еве колку должат граѓаните
ДА СЕ ОДАНОЧАТ ТРИТЕ ИЛЈАДИ НАЈБОГАТИ ВО СВЕТОТ, А ПАРИТЕ ДА ОДАТ ДИРЕКТНО КАЈ СИРОМАШНИТЕ - еве го планот на една нобеловка
ЕВЕ КАДЕ ГИ ВЛОЖУВААТ СВОИТЕ ПАРИ 0,001 ПРОЦЕНТ ОД НАЈБОГАТИТЕ: Живеат поинаку од остатокот од светот
ДЕНАРОТ ГО „ПРЕТРКА“ ЕВРОТО, ИСТОРИСКИ МИГ ЗА ГРАЃАНСКИТЕ ЗАШТЕДИ - колку пари чуваат македонските граѓани во банка
Николоски на средби во СБ – Продолжуваме со спроведување на реформите дефинирани со нашите партнери, 695 милиони долари поддршка од СБ
БЕРЗИТЕ СО ГОЛЕМИ ЗАГУБИ - индексот S&P 500 падна петти ден по ред
МАКЕДОНЦИТЕ ВО ГЕРМАНИЈА НА ГОЛЕМИ МАКИ – најевтина кирија е 1.000 евра, во големите градови уште поскапо
„Доколку не се остварат ризиците, олабавување на монетарната политика во втората половина од годинава“: гувернерката Ангеловска-Бежоска за ВОА
