Две петгодишни деца тешко повредени во сообраќајна несреќа
Објавено во: Македонија 29 Мај, 2020
МВР објави дека две петгодишни деца се тешко повредени во сообраќајна несреќа што се случила синоќа на магистралниот пат Штип - Кочани во 22.30 часот.
Станува збор за судар помеѓу патничко возило „фолксваген голф“ со кочански регистарски ознаки, управувано од И.З.(25) од кочанското село Чешиново и патничко возило „пежо 206“ со пробиштипски регистарски ознаки, управувано од А.В.(30) од Злетово.
По незгодата, сопатниците во возилото „пежо“, Х.В.(25) и две петгодишни деца биле пренесени во Клиничката болница Штип каде им била укажана лекарска помош и им биле констатирани тешки телесни повреди.
Увид на местото извршила увидна екипа на СВР Штип.