ДВЕ НЕДЕЛИ ПОЛИЦИСКИ ЧАС: Филипче образложи зошто ќе има забрана за движење од 22 до 05 часот
Објавено во: Македонија 08 Март, 2021
Заострувањето на
рестриктивните мерки е резултат на зголемувањето на бројот на новозаразените
случаи, образложи денеска на прес-конференција министерот за здравство, Венко
Филипче, кој истовремено потенцираше дека овој бран не е толку силен, во
споредба со есента, односно во ноември.
-Евидентно беше во последните неколку недели зголемување на случаите. Ударот не е таков каков што беше на почетокот на ноември, но без разлика, сакаме да бидеме подготвени. Се покажа дека има собири после 22 часот, угостителски објекти кои не почитуваат мерки, собири на јавни места и затоа е оваа мерка. Сакаме да го ублажиме притисокот кон болниците во моментов, и затоа се овие мерки, рече Филипче.
Министерот истовремено појасни дека полицискиот час ќе трае две недели, а викендите нема да бидат исклучок.