ДОМ и ЛДП нема да дадат јавна поддршка за вториот круг од локалните избори
Објавено во: Македонија 20 Октомври, 2021
ЛДП и ДОМ јавно нема да дадат јавна поддршка за ниту еден од кандидатите на „Најдоброто за вашата општина“. Ставот на оваа коалиција формирана за локалните избори го пренесе претседателката на ДОМ, Маја Морачанин, i liderot na LDP, Goran Milevski.
Претходно во текот на целиот ден помалите коалициски партнери на СДСМ преку соопштенија даваат поддршка за партијата уверувајќи дека владината коалиција е стабилна.
-Ние уште пред да започне кампањата изјавивме дека тоа се гласови на граѓаните. Ние не располагаме со тие гласови и верувам и убедена сум дека граѓаните се многу мудри и точно знаат кое е значењето на функцијата градоначалник на општина, на град и сега во вториот круг и ќе го поддржат кандидатот, личноста за која веруваат дека навистина во следните четири години ќе ја води општината или градот во позитивен правец, рече претседателката на ДОМ, изјави Морачанин.
Милевски по вториот круг најави разговор со премиерот заев за промена на политиката, затоа што граѓаните ја казнија владата.
- Ние сметаме дека граѓаните се доволно интелегентни и доволно паметни нашите гласачи овие 30.000 да ние нема потреба да ги насочуваме за кого ќе гласаат, тие доволно знаат за кого да го дадат гласот и сметаме дека секое наше јавно објавување или поддршка значи дека ние сме влегле во ова да се пазариме со тие гласови, а нашата цел не е тоа и токму заради тие причини ние ќе оставиме овие интелектуалци и овие граѓани слободно да си го искажат гласот за оној кој што сметаат дека е најдобар да ја води конкретната општина, изјави Милевски.
ДОМ и ЛДП на овие избори настапија самостојно, па така за Град Скопје нивни кандидат беше Бени Шаќири, а за Битола во трката влезе Горан Милевски.
Морачанин потврди дека ДОМ и ЛДП немаат намера да го напуштат парламентарното мнозинство.