29 Март, 2024
0.0267

Доктор Асани открива поради што Куманово е „македонски Вухан“

Објавено во: Македонија, Корона Вирус 30 Април, 2020

Добивај вести на Viber

Недисциплинираноста на населението, враќањето на гастарбајтерите од странство во родниот град и чекањето на резултатите од тестирањето за Ковид 19, по 5 дена на почетокот на епидемијата, според Фатмир Асани, претседател на Здружението на матични лекари Куманово, доведоа до тоа брзо да порасне бројот на заразени во Куманово.

Тој објаснува дека на почетокот се чекало 2-3 дена за да се закаже тестирање, потоа следеле уште 5 дена до добивање на резултатите, а во меѓувреме потенцијалните заразени не ја сфатиле сериозно ситуацијата, се мешале со други луѓе, со што ситуацијата се влоши. Но, додава дека потоа процесот на тестирање се одвивал побрзо. Дополнително Асани објаснува дека голем број граѓани од Куманово, и Липково работат во странство, тие се вратени пред корона кризата да ја зафати земјата и да се воведе државен карантин, со што заразата брзо зема замав. Кумановци и жители на Липково, работат претежно во Германија, Швајцарија, Италија, Австрија, Словенија, Ирак, Авганистан. Според некои неофицијални проценки, градот има околу 10.000 гастарбајтери.

„На почетокот на луѓето им беше срам да се пријават да се тестираат, иако тука нема ништо срамно. Јас како матичен имам закажано тестирање на 15 пациенти, од кои 6 испаднаа позитивни, од Куманово и од Липково. Тие се добри, се опоравуваат. Сега веќе пациентите се добро информирани, учат и тие за вирусот, знаат многу работи. Ако некој се појави со симптоми, ги бараме контактите од луѓето кои со нив комуницирале. Пред градоначалникот Максим Димитриевски да побара карантин, граѓаните ја сфатија сериозно работата. Јас не сум за карантин, мислам дека за две недели ќе се среди состојбата во Куманово, и треба да почнуваме да работиме, да се движиме“, вели Асани.

Тој објаснува дека вирусот и понатаму ќе биде присутен, но опасноста ќе се намали, и народот ќе мора да научи да живее по новите правила.

„Вирусот може ќе биде тука 2 години, ќе го има и понатаму, но ние мораме да внимаваме, да носиме маски, да не се ракуваме, да не се гушкаме, да држиме растојание, што е најважно“, додава Асани.

Во Куманово сега има скоро 400 потврдени случаи на Ковид 19.

Дваесетина жители ја изгубија битката со опасниот вирус.

Највисока кумулативна инциденца на 100.000 жители е регистрирана во Куманово со 264,9 заболени на 100.000 жители, објавено е на веб страницата на Институтот за јавно здравје.

Во земјава прво се појавија случаи на коронавирус во Скопје и Дебар, а Куманово иако не се споменуваше како општина каде постои ризик од зараза, или пак дека има позитивни, сепак се случи да почине 57 годишна жена. Таа беше првата жртва.

Сања Атанасовска

Можеби ќе ве интересира

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

ДОМАШНОТО ПРОИЗВОДСТВО НА МЛЕКО СЕ НАМАЛИЛО ЗА НАД 25 ПРОЦЕНТИ: статистика изброја и помалку говеда

СЕ ОГЛАСИ ЛИДИЈА ДИМОВА: Во присуство на Исмајлоска, Заев побара од мене да ја повлечам пријавата за злоупотреба на 2,2 милиони евра

СЕ ОГЛАСИ ЛИДИЈА ДИМОВА: Во присуство на Исмајлоска, Заев побара од мене да ја повлечам пријавата за злоупотреба на 2,2 милиони евра

(ВИДЕО) Љубе Бошковски и Стојанче Ангелов рамо до рамо со Христијан Мицкоски

(ВИДЕО) Љубе Бошковски и Стојанче Ангелов рамо до рамо со Христијан Мицкоски

„ДУИ мисли на договор со кој цела територија на Македонија ќе се покрие со казина“: Хајредини со остра критика

„ДУИ мисли на договор со кој цела територија на Македонија ќе се покрие со казина“: Хајредини со остра критика

Тројца починати и тројца тешко повредени во сообраќајка во Кичево

Тројца починати и тројца тешко повредени во сообраќајка во Кичево

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

„ОВА Е САМО ЕДЕН ПРИМЕР НА НЕОДГОВОРНО, НЕЧЕСНО И ВАЛКАНО ОДНЕСУВАЊЕ“: Петровска ја доби тужбата против Ковачки

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

Курто Дудуш: СДСМ и ВМРО-ДПМНЕ ни нудеа само директорски места, затоа отидовме со ДУИ

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

КУЌЕН ПРИТВОР ЗА ДВАЈЦА ОД УАПСЕНИТЕ ЗА УБИСТВОТО НА ДОКТОРОТ - прифатено барањето на обвинителите

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница

„ДАЛИ Е ВИСТИНА ДЕКА СЕ ШТЕДИ НА ИНФУЗИЈА ЗА ДЕЦА И СЕ БАРА МИТО“ - лидерот на Левица со прашање за велешката болница